ಕರೊನಾ ವೈರಸ್​ ಕೃತಕ ಸೃಷ್ಟಿ, ಅಮೆರಿಕ ವಾದಕ್ಕೆ ಸಿಕ್ತಾ ಭಾರತದ ಬೆಂಬಲ?

ಮುಂಬೈ: ಕರೊನಾ ವೈರಸ್​ ಜಗತ್ತಿಗೆ ಹರಡಿದ್ದು ಚೀನಾದಿಂದಲೇ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ವುಹಾನ್​ನ ವೈರಾಲಜಿ ಪ್ರಯೋಗಾಲಯದಿಂದ ಸೋರಿಕೆಯಾಗಿದೆ ಎಂದು ಅಮೆರಿಕ ನಿರಂತರವಾಗಿ ವಾದಿಸುತ್ತಲೇ ಬಂದಿದೆ. ಇದರಿಂದ ಉಂಟಾದ ನಷ್ಟವನ್ನು ಭರಿಸಬೇಕೆಂದು ಟ್ರಂಪ್​ ಆಗ್ರಹಿಸುತ್ತಲೇ ಇದ್ದಾರೆ.

ಇದೀಗ ಕೇಂದ್ರ ಸಾರಿಗೆ ಸಚಿವ ನಿತಿನ್​ ಗಡ್ಕರಿ ನೀಡಿರುವ ಹೇಳಿಕೆ ಕೂಡ ಈ ವಾದಕ್ಕೆ ಬೆಂಬಲ ನೀಡುವಂತಿದೆ. ಕೋವಿಡ್​-19ಗೆ ಕಾರಣವಾದ ಕರೊನಾ 'ಕೃತಕ ವೈರಸ್​, ಸ್ವಾಭಾವಿಕವಲ್ಲ' ಎಂದು ಹೇಳಿದ್ದಾರೆ.

ಇದನ್ನೂ ಓದಿ; ಇದೇನು ವಿಚಿತ್ರ…! ವಿಷಾನಿಲ ದುರಂತಕ್ಕೆ ಯಾರೂ ಕಾರಣರಲ್ಲವಂತೆ..! 

ಕರೊನಾ ವೈರಸ್​ ನೈಸರ್ಗಿಕವಲ್ಲ, ಅದನ್ನು ಪ್ರಯೋಗಾಲಯವೊಂದರಲ್ಲಿ ಸಿದ್ಧಪಡಿಸಲಾಗಿದೆ. ಇದರೊಂದಿಗೆ ಬದುಕಲು ನಾವು ಕಲಿಯಬೇಕಾಗಿದೆ. ಅಂಥ ಜೀವನ ವಿಧಾನವನ್ನು ರೂಪಿಸಿಕೊಳ್ಳುವುದು ಅತ್ಯಂತ ಅಗತ್ಯವಾಗಿದೆ. ಏಕೆಂದರೆ, ಇದನ್ನು ಕೃತಕವಾಗಿ ರೂಪಿಸಲಾಗಿದೆ. ಜಗತ್ತಿನ ಹಲವು ದೇಶಗಳು ಈ ವೈರಸ್​ ನಿರ್ಮೂಲನೆಗೆ ಲಸಿಕೆ ಸಂಶೋಧಿಸುವ ಕಾರ್ಯದಲ್ಲಿ ತೊಡಗಿವೆ ಎಂದು ಗಡ್ಕರಿ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ಈ ಮೂಲಕ ಭಾರತ ಇದೇ ಮೊದಲ ಬಾರಿಗೆ ಮಾರಣಾಂತಿಕ ವೈರಸ್​ನ ಮೂಲದ ಬಗ್ಗೆ ಪ್ರತಿಕ್ರಿಯಿಸಿದಂತಾಗಿದೆ. ಅದರಲ್ಲೂ ಕೇಂದ್ರ ಸಚಿವರೊಬ್ಬರು ಪ್ರತಿಕ್ರಿಯೆ ನೀಡಿರುವುದು ಗಮನಾರ್ಹವಾಗಿದೆ. ಏಕೆಂದರೆ, ಪ್ರಮುಖ ದೇಶಗಳು ಕರೊನಾ ವೈರಸ್​ ವುಹಾನ್​ ಪ್ರಯೋಗಾಲಯದಿಂದಲೇ ಜನ್ಮ ತಾಳಿದೆ ಎಂದು ಆರೋಪಿಸಿವೆ.

ಇದನ್ನೂ ಓದಿ; ಜುಲೈ 30, 31 ರಂದು ಸಿಇಟಿ, ಸೆಪ್ಟೆಂಬರ್​ 1ರಂದು ಕಾಲೇಜು ಆರಂಭ 

ಇಡೀ ಜಗತ್ತಿನಂತೆ ಭಾರತವೂ ಕೂಡ ಈ ವೈರಸ್​ ನಿಗ್ರಹಿಸಲು ಸಜ್ಜಾಗಿದೆ. ಈ ಕಾಯಿಲೆಗೆ ಆದಷ್ಟು ಬೇಗ ಲಸಿಕೆ ಕಂಡು ಹಿಡಿಯಲಾಗುತ್ತದೆ ಎಂಬ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದ್ದಾರೆ.

https://www.vijayavani.net/nanjanaguds-jubilant-signs-licensing-deal-for-us-pharma-firm-gileads-covid-19-drug/