ಗುಜರಾತ್: ಕಳೆದ ಶುಕ್ರವಾರದಿಂದಲೂ ಅನಂತ್ ಅಂಬಾನಿ ಅವರ ಪ್ರೀ ವೆಡ್ಡಿಂಗ್ ಸಮಾರಂಭದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ. ಈ ಸಮಾರಂಭದಲ್ಲಿ ಸೆಲೆಬ್ರಿಟಿಗಳು ಸಾಕಷ್ಟು ಸದ್ದು ಮಾಡಿದರು. ವಿದೇಶಿ ಅತಿಥಿಗಳು ಸಹ ಆಗಮಿಸಿದ್ದರು. ಇವರಲ್ಲಿ ಹಾಲಿವುಡ್ ಸ್ಟಾರ್ಸ್ ಮತ್ತು ಉದ್ಯಮಿಗಳು ಹಾಗೂ ಕ್ರೀಡಾ ತಾರೆಯರು ಸೇರಿದ್ದಾರೆ.
ಮೂರು ದಿನಗಳ ಕಾಲ ನಡೆದ ಈ ಕಾರ್ಯಕ್ರಮದಲ್ಲಿ ಪ್ರತಿಯೊಂದು ವ್ಯವಸ್ಥೆಯೂ ಹೈ ಫೈ ಶೈಲಿಯಲ್ಲಿತ್ತು. ಅತಿಥಿಗಳು ಭಾರತೀಯ ಬಟ್ಟೆಗಳಿಂದ ಪಾಶ್ಚಿಮಾತ್ಯ ಉಡುಪುಗಳವರೆಗೆ ವಿವಿಧ ಥೀಂ ಕಾರ್ಯಕ್ರಮಗಳನ್ನು ಆನಂದಿಸುತ್ತಿರುವುದು ಕಂಡುಬಂದಿತು. ಈ ವೇಳೆ ಕಾರ್ಯಕ್ರಮದಲ್ಲಿ ಆನೆಗಳು ಕಾಣಿಸಿಕೊಂಡಿದ್ದವು. ಈಗ ಇದನ್ನು ನೋಡಿದ ಮುನ್ನಾಭಾಯಿ ಎಂಬಿಬಿಎಸ್ ಪ್ರಸಿದ್ಧಿಯ ನಟ ಅರ್ಷದ್ ವಾರ್ಸಿ ಪತ್ನಿ ಮರಿಯಾ ಗೊರೆಟ್ಟಿ ಕೋಪಗೊಂಡಿದ್ದಾರೆ. ಅದರಲ್ಲೂ ಒಂದು ನಿರ್ದಿಷ್ಟ ಫೋಟೋ ಮೇಲೆ ಅವರ ಕೋಪ ಹೆಚ್ಚಾಗಿದೆ.
ಹೌದು, ಅರ್ಷದ್ ವಾರ್ಸಿ ಪತ್ನಿ ಮರಿಯಾ ಗೊರೆಟ್ಟಿ ಅವರು ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ. ಅನಂತ್ ಅಂಬಾನಿ ಮತ್ತು ರಾಧಿಕಾ ಅವರ ವಿವಾಹ ಪೂರ್ವ ಸಮಾರಂಭದಲ್ಲಿ ಆನೆಗಳನ್ನು ದುರುಪಯೋಗಪಡಿಸಿಕೊಳ್ಳಲಾಗಿದೆ ಮತ್ತು ಅವುಗಳನ್ನು ಆಸರೆಯಾಗಿ ಬಳಸಲಾಗಿದೆ ಎಂದು ಹೇಳಿದ್ದಾರೆ.
ವಿಷಯವೇನೆಂದರೆ ಇವಾಂಕಾ ಅವರು ಅನಂತ್ ಮತ್ತು ರಾಧಿಕಾ ಅವರ ವಿವಾಹಪೂರ್ವ ಸಮಾರಂಭದಲ್ಲಿ ಕ್ಲಿಕ್ ಮಾಡಿದ ಅವರ ಅನೇಕ ಫೋಟೋಗಳನ್ನು ಪೋಸ್ಟ್ ಮಾಡಿದಾಗ ಈ ವಿಷಯ ಬೆಳಕಿಗೆ ಬಂದಿದೆ. ಈ ಫೋಟೋಗಳಲ್ಲಿ ಒಂದರಲ್ಲಿ, ಇವಾಂಕಾ ಆನೆಯ ಮುಂದೆ ನಿಂತು ಪೋಸ್ ನೀಡುತ್ತಿದ್ದರು. ಇದರಿಂದ ಆನೆಗಳನ್ನು ಆಸರೆಯಾಗಿ ಬಳಸಲಾಗಿದೆ ಎಂಬುದು ಸ್ಪಷ್ಟವಾಯಿತು. ಈ ಫೋಟೋವನ್ನು ನೋಡಿದ ಅರ್ಷದ್ ವಾರ್ಸಿ ಪತ್ನಿ ಕೋಪಗೊಂಡಿದ್ದಾರೆ.
ಇವಾಂಕಾ ಅವರ ಈ ಫೋಟೋವನ್ನು ನೋಡಿದ ನಂತರ ಮಾರಿಯಾ, ‘ಈ ಫೋಟೋವನ್ನು ನೋಡಿದ ನಂತರ ನನಗೆ ಆಶ್ಚರ್ಯವಾಯಿತು. ಇದು ಯಾವುದೇ ಪ್ರಾಣಿಗೆ ಆಗಬಾರದು ಎಂದು ನಾನು ಭಾವಿಸುತ್ತೇನೆ. ಈ ಆನೆಯನ್ನು ಆಸರೆಯಾಗಿ ನಿಲ್ಲುವಂತೆ ಮಾಡಿರುವುದು ಹೃದಯವಿದ್ರಾವಕವಾಗಿದೆ. ಅದೂ ಜನ, ಗದ್ದಲದ ನಡುವೆ’ ಎಂದು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
ಜಾಮ್‌ನಗರದಲ್ಲಿ ಅಂಬಾನಿ ಕುಟುಂಬ ನಿರ್ಮಿಸಿದ ವಂತಾರಕ್ಕೆ ಆನೆಗಳನ್ನು ರಕ್ಷಿಸಿ ಕರೆತರಲಾಗಿದೆ. ಈ ಆನೆಗಳ ಬಗ್ಗೆ ವಿಶೇಷ ಕಾಳಜಿ ವಹಿಸುವುದಾಗಿಯೂ ಹೇಳಲಾಗುತ್ತಿದೆ. ಹೀಗಿರುವಾಗ ಇಂಥದ್ದೊಂದು ಫೋಟೋವನ್ನು ನೋಡಿದ ಅರ್ಷದ್ ವಾರ್ಸಿ ಅವರ ಪತ್ನಿ ಮಾರಿಯಾ ಈ ವಿಷಯಗಳಿಗೆ ಲಿಂಕ್ ಮಾಡಿದ್ದಾರೆ. ಸದ್ಯಕ್ಕೆ ಅಂಬಾನಿ ಕುಟುಂಬದ ಈ ಕಾರ್ಯಕ್ರಮದ ಬಗ್ಗೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗಿದೆ. ಅಲ್ಲಿಗೆ ಆಗಮಿಸಿದ ಎಲ್ಲಾ ತಾರೆಯರು ನಿರಂತರವಾಗಿ ತಮ್ಮ ಫೋಟೋಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳುತ್ತಿದ್ದಾರೆ.