ಆದರೆ ವಿಚಾರಣೆ ವೇಳೆ ಆರೋಪಿಯು, 'ನಾನು ಮತ್ತು ಆಕೆ ಪ್ರೀತಿಸುತ್ತಿದ್ದೆವು. ಬುಧವಾರ ಬೆಳಗ್ಗೆ ರೂಮಿಗೆ ಬಂದಿದ್ದಳು. ಆಗ ಪರಸ್ಪರ ಒಪ್ಪಿಗೆ ಮೇರೆಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದಾಗ ಆಕೆಗೆ ರಕ್ತಸ್ರಾವ ಉಂಟಾಗಿತ್ತು. ನಂತರ ಉಸಿರುಕಟ್ಟಿದಂತಾಗಿ ಪ್ರಜ್ಞೆ ತಪ್ಪಿದಳು. ನನಗೆ ಭಯವಾಗಿ ಕೂಡಲೇ ನೆರೆಹೊರೆಯವರ ಬಳಿ ಬಂದು ನನ್ನ ಸ್ನೇಹಿತೆ ಉಸಿರಾಡುತ್ತಿಲ್ಲ. ಆಸ್ಪತ್ರೆಗೆ ದಾಖಲಿಸಲು ಸಹಾಯ ಮಾಡುವಂತೆ ಕೇಳಿದೆ. ಬಳಿಕ ಆಟೋದಲ್ಲಿ ಖಾಸಗಿ ಆಸ್ಪತ್ರೆಗೆ ಕರೆದೊಯ್ದೆ. ಆದರೆ ಆಕೆ ಮಾರ್ಗಮಧ್ಯೆಯೇ ಮೃತಪಟ್ಟಿದ್ದಾಳೆಂದು ವೈದ್ಯರು ಹೇಳಿದರು. ನಾನು ಕೊಲೆ ಮಾಡಿಲ್ಲ' ಎಂದು ಹೇಳಿದ್ದಾನೆ. ಆದರೆ, ಮರಣೋತ್ತರ ಪರೀಕ್ಷೆಯ ವರದಿ ಬಂದ ಬಳಿಕ ಸತ್ಯಾಸತ್ಯತೆ ತಿಳಿಯಲಿದೆ.
