ಬೆಂಗಳೂರು: ಹಾಸ್ಟೆಲ್ನಲ್ಲಿ ಮಹಿಳಾ ಸಹೋದ್ಯೋಗಿಗಳ ಸ್ನಾನದ ದೃಶ್ಯಾವಳಿಯನ್ನು ಮೊಬೈಲ್ನಲ್ಲಿ ಸೆರೆ ಹಿಡಿಯುತ್ತಿದ್ದ ಯುವತಿ, ತನ್ನ ಪ್ರಿಕರನಿಗೆ ಕಳುಹಿಸುತ್ತಿದ್ದಳು. ಕೊನೆಗೂ ರೆಡ್ಹ್ಯಾಂಡ್ ಆಗಿ ಸಿಕ್ಕಿ ಆಕೆ ಸಿಕ್ಕಿಬಿದ್ದಿದ್ದು, ವಾಟ್ಸ್ಆ್ಯಪ್ ಮೂಲಕ ಪ್ರೇಯಸಿ ಕಳುಹಿಸುತ್ತಿದ್ದ ಸಹೋದ್ಯೋಗಿಗಳ ಅಶ್ಲೀಲ ದೃಶ್ಯವನ್ನು ಆಕೆಯ ಪ್ರಿಯಕರ ಏನು ಮಾಡುತ್ತಿದ್ದ ಎಂಬುದು ಬಯಲಾಗಿದೆ.
ವೈಟ್ಫೀಲ್ಡ್ನ ಖಾಸಗಿ ಆಸ್ಪತ್ರೆಯಲ್ಲಿ ಅಶ್ವಿನಿ ನರ್ಸ್ ಆಗಿ ಕೆಲಸ ಮಾಡುತ್ತಿದ್ದಳು. ಆಸ್ಪತ್ರೆಯ ತುರ್ತು ನಿಗಾ ಘಟಕದಲ್ಲಿ ಸೇವೆ ಸಲ್ಲಿಸುವ ನರ್ಸ್ಗಳಿಗೆ ಹಾಸ್ಟೆಲ್ ಸೌಲಭ್ಯ ಒದಗಿಸಲಾಗಿತ್ತು. ಅದರಲ್ಲಿ ಅಶ್ವಿನಿ ಸೇರಿದಂತೆ ಹಲವಾರು ನರ್ಸ್ಗಳು ನೆಲೆಸಿದ್ದರು. ಡಿ.5ರ ಸಂಜೆ 6.45ರಲ್ಲಿ ನರ್ಸ್ವೊಬ್ಬರು ಸ್ನಾನ ಮಾಡಲು ಶೌಚಗೃಹಕ್ಕೆ ಹೋಗಿದ್ದರು. ಆ ವೇಳೆ ಅಶ್ವಿನಿ ಬಚ್ಚಿಟ್ಟ ಮೊಬೈಲ್ ಕಣ್ಣಿಗೆ ಬಿದ್ದಿತ್ತು.
ಬರಿಗೊಂಡ ಆ ನರ್ಸ್, ಮೊಬೈಲ್ ತೆಗೆದುಕೊಂಡು ಪರಿಶೀಲನೆ ನಡೆಸಿದಾಗ ವಿಡಿಯೋ ರೆಕಾರ್ಡ್ ಆನ್ ಆಗಿರುವುದು ಕಂಡುಬಂದಿತ್ತು.
ಗಾಬರಿಗೊಂಡ ಸಂತ್ರಸ್ತ ನರ್ಸ್, ಮೊಬೈಲ್ನಲ್ಲಿನ ಫೋಟೋ ಗ್ಯಾಲರಿಯನ್ನು ಪರಿಶೀಲನೆ ನಡೆಸಿದಾಗ ಹಲವು ಆಸ್ಪತ್ರೆಯ ಮಹಿಳಾ ಸಿಬ್ಬಂದಿಗಳ ಸ್ನಾನದ ದೃಶ್ಯಾವಳಿ ಅದರಲ್ಲಿತ್ತು. ಹಾಸ್ಟೆಲ್ ಮೇಲ್ವಿಚಾರಕಿ ಕೊಟ್ಟ ದೂರಿನ ಮೇರೆಗೆ ನರ್ಸ್ ಅಶ್ವಿನಿಯನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಅಶ್ಲೀಲ ವಿಡಿಯೋಗಳನ್ನು ಪ್ರಿಯಕರನಿಗೆ ಕಳುಹಿಸುತ್ತಿದ್ದಾಗಿ ಹೇಳಿಕೆ ನೀಡಿದ್ದಳು.
ಅಶ್ವಿನಿ ಹೇಳಿಕೆ ಮೇರೆಗೆ ಆಕೆಯ ಪ್ರಿಯಕರ ಪ್ರಭು (31) ಎಂಬಾತನನ್ನು ವೈಟ್ಫೀಲ್ಡ್ ಠಾಣೆ ಪೊಲೀಸರು ಭಾನುವಾರ ಬಂಧಿಸಿದ್ದಾರೆ. ಚೆನ್ನೈನ ಪ್ರತಿಷ್ಠಿತ ಹೋಟೆಲ್ನ ಬಾಣಸಿಗನಾಗಿದ್ದ ಪ್ರಭುನನ್ನು ಬೆಂಗಳೂರಿಗೆ ಕರೆ ತರಲಾಗಿದೆ.
ವಾಟ್ಸ್ಆ್ಯಪ್ನಲ್ಲಿ ನರ್ಸ್ ಅಶ್ವಿನಿ ಕಳುಹಿಸುತ್ತಿದ್ದ ಅಶ್ಲೀಲ ವಿಡಿಯೋಗಳನ್ನು ನೋಡಿ ಆನಂತರ ಡಿಲೀಟ್ ಮಾಡುತ್ತಿದ್ದಾಗಿ ಆರೋಪಿ ಹೇಳುತ್ತಿದ್ದಾನೆ. ಮೊಬೈಲ್ ವಶಕ್ಕೆ ಪಡೆದಿದ್ದು, ಹೆಚ್ಚಿನ ವಿಚಾರಣೆಗೆ ಒಳಪಡಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
8 ವರ್ಷದ ಬಾಲೆಗೆ ವಿಷ ಉಣಿಸಿದ ದಂಪತಿಯೂ ಸಾವಿನ ಕದ ತಟ್ಟಿದರು! ಬೆಚ್ಚಿಬೀಳಿಸುತ್ತೆ ಈ ದೃಶ್ಯ
ವಿಷ ಕುಡಿಯುವ ಮುನ್ನ ನಾವು ಪ್ರೀತಿಸಿದ್ದೇ ತಪ್ಪು… ಎಂದು ಕಣ್ಣೀರಿಟ್ಟರು! ಪ್ರಿಯತಮೆ ಸ್ಥಳದಲ್ಲೇ ಸಾವು, ಮುಂದೇನಾಯ್ತು?