ನೀವು ಮಾಡಿದ ಚಪಾತಿ ಸದ್ಯದಲ್ಲೇ ಗಟ್ಟಿಯಾಗುತ್ತಾ? ಹಾಗಿದ್ರೆ ಹಿಟ್ಟನ್ನು ಬೆರೆಸುವಾಗ ಹೀಗೆ ಮಾಡಿ, ದಿನವಿಡೀ ಮೃದುವಾಗಿರುತ್ತದೆ| Kitchen

Kitchen ; ರೊಟ್ಟಿ ಅಥವಾ ಚಪಾತಿ ಎಲ್ಲಾ ವಯಸ್ಸಿನ ಜನರು ಇಷ್ಟಪಡುವ ಪ್ರಮುಖ ಆಹಾರವಾಗಿದೆ. ನಮಗೆ ತಟ್ಟೆಯಲ್ಲಿರುವ ಚಪಾತಿ ಅಥವಾ ರೊಟ್ಟಿ ಗಟ್ಟಿಯಾಗಿದ್ದರೆ ತಿನ್ನಲು ಖುಷಿಯಾಗುವುದಿಲ್ಲ. ಅಂದಹಾಗೆ ಮೃದು ರೊಟ್ಟಿ ಅಥವಾ ಚಪಾತಿಗಳನ್ನು ತಯಾರಿಸುವುದು ಅನೇಕರಿಗೆ ಸವಾಲಿನ ಕೆಲಸವಾಗಿರುತ್ತದೆ.

ಇದನ್ನೂ ಓದಿ: ಕಾಣೆಯಾದ ಪತ್ನಿಗಾಗಿ ಮೊಬೈಲ್ ಟವರ್ ಏರಿ ಕುಳಿತ ವ್ಯಕ್ತಿಯಿಂದ ಆತ್ಮಹತ್ಯೆ ಯತ್ನ| bengaluru

ರೊಟ್ಟಿ/ಚಪಾತಿಯನ್ನು ಮೃದುವಾಗಿ ಇಡುವುದೇಗೆ?

ಕೆಲವರು ಹಿಟ್ಟನ್ನು ಬೆರೆಸಿದ ತಕ್ಷಣ ರೊಟ್ಟಿ, ಚಪಾತಿ ಮಾಡಲು ಪ್ರಾರಂಭಿಸುತ್ತಾರೆ. ಇದರಿಂದಾಗಿ ಚಪಾತಿ ಮಾಡಿದ ಸ್ವಲ್ಪ ಸಮಯದ ನಂತರ ಗಟ್ಟಿಯಾಗುತ್ತದೆ. ಹಿಟ್ಟನ್ನು ಸ್ವಲ್ಪ ಸಮಯದವರೆಗೆ ಮುಚ್ಚಿಡಿ. ಹಿಟ್ಟನ್ನು ಒದ್ದೆಯಾದ ಬಟ್ಟೆಯಿಂದ 20 ರಿಂದ 30 ನಿಮಿಷಗಳ ಕಾಲ ಮುಚ್ಚಿಡುವುದರಿಂದ ಇದು ಹಾಲು, ತುಪ್ಪ ಮತ್ತು ನೀರನ್ನು ಸರಿಯಾಗಿ ಹೀರಿಕೊಳ್ಳಲು ಅನುವು ಮಾಡಿಕೊಡುತ್ತದೆ.

ಹಿಟ್ಟನ್ನು ಸರಿಯಾಗಿ ಬೆರೆಸಿದರೆ ಮಾತ್ರ ರೊಟ್ಟಿ, ಚಪಾತಿ ದೀರ್ಘಕಾಲ ಮೃದುವಾಗಿರುತ್ತದೆ. ಸಾಮಾನ್ಯವಾಗಿ ಹಿಟ್ಟನ್ನು ಬೆರೆಸುವಾಗ ನೀರನ್ನು ಬಳಸಲಾಗುತ್ತದೆ. ಬಳಿಕ ಹಿಟ್ಟಿಗೆ ಸ್ವಲ್ಪ ಹಾಲು ಮತ್ತು ತುಪ್ಪ ಅಥವಾ ಎಣ್ಣೆಯನ್ನು ಸೇರಿಸಿ. ಇದು ಹಾಲಿನಲ್ಲಿರುವ ಪ್ರೋಟೀನ್ ತೇವಾಂಶವನ್ನು ಉಳಿಸಿಕೊಳ್ಳುತ್ತದೆ. ಎಣ್ಣೆ, ತುಪ್ಪ ಹಿಟ್ಟು ಬೇಗನೆ ಗಟ್ಟಿಯಾಗಲು ಬಿಡುವುದಿಲ್ಲ. ನೀವು ಹಿಟ್ಟಿಗೆ ಹಾಲು ಮತ್ತು ತುಪ್ಪ ಅಥವಾ ಎಣ್ಣೆಯನ್ನು ಸೇರಿಸಿದರೆ, ಹಿಟ್ಟು ಒಣಗುವುದಿಲ್ಲ ಅಥವಾ ಗಟ್ಟಿಯಾಗುವುದಿಲ್ಲ.

ಇದನ್ನೂ ಓದಿ: E20 ಪೆಟ್ರೋಲ್​ನಿಂದ ಮೈಲೇಜ್​ ಕುಸಿತ!? ಈ ಬಗ್ಗೆ 2021ರ NITI ಆಯೋಗ ವರದಿ ಹೇಳುವುದೇನು? ಇಲ್ಲಿದೆ ಮಾಹಿತಿ | E20 Petrol

(ಏಜೆನ್ಸೀಸ್)

ಸರಿಯಾಗಿ ಸಂಗ್ರಹಿಸಿ: ಬೇಯಿಸಿದ ತಕ್ಷಣ ರೊಟ್ಟಿಯನ್ನು ತೆರೆದಿಡಬೇಡಿ. ರೊಟ್ಟಿಯನ್ನು ಸ್ವಚ್ಛವಾದ ಬಟ್ಟೆಯಲ್ಲಿ ಇರಿಸಿ. ಬಟ್ಟೆಯಲ್ಲಿ ಮುಚ್ಚಿ ಇಡುವುದರಿಂದ ರೊಟ್ಟಿ ಒಣಗುವುದಿಲ್ಲ. ನೀವು ರೊಟ್ಟಿಯನ್ನು ಗಾಳಿಯಾಡದ ಪಾತ್ರೆಯಲ್ಲಿ, ಬಟ್ಟೆಯಲ್ಲಿ ಸರಿಯಾಗಿ ಸುತ್ತಿಟ್ಟರೆ, ಅದು ಕೆಲ ಗಂಟೆಗಳ ಕಾಲ ಮೃದುವಾಗಿರುತ್ತದೆ.

ಅತಿಯಾಗಿ ಕಾಯಿಸದಿರಿ: ಚಪಾತಿಯನ್ನು ತವಾ ಮೇಲೆ ಅತಿಯಾಗಿ ಕಾಯಿಸದಿರಿ. ಮಧ್ಯಮ ಉರಿಯಲ್ಲಿ ಎರಡೂ ಬದಿಗಳನ್ನು ಸರಿಯಾಗಿ ಬೇಯಿಸಿ, ಆದರೆ ಕಂದುಬಣ್ಣಕ್ಕಿಂತ ಹೆಚ್ಚು ಕಾಯಿಸದಿರಿ.

ಬಿಸಿ ನೀರು: ಹಿಟ್ಟನ್ನು ಬೆರೆಸಲು ತಣ್ಣನೆಯ ನೀರಿನ ಬದಲು ಸ್ವಲ್ಪ ಬೆಚ್ಚಗಿನ ನೀರು ಬಳಸಿ. ಇದು ಹಿಟ್ಟನ್ನು ಮೃದುವಾಗಿರಿಸುತ್ತದೆ.

https://www.vijayavani.net/does-filling-vehicles-with-petrol-and-diesel-early-in-the-morning-increase-mileage-petrol-filling