ನ್ಯೂಯಾರ್ಕ್: ಇದೇ ಭಾನುವಾರ (ಸೆ.22) ಭಾರತದ ಪ್ರಧಾನಿ ನರೇಂದ್ರ ಮೋದಿಯವರು ಸತತ ಮೂರನೇ ಬಾರಿ ಚುನಾವಣೆ ಗೆದ್ದು ಪ್ರಧಾನಿಯಾದ ನಂತರ ಮೊಟ್ಟ ಮೊದಲ ಬಾರಿಗೆ ಅಮೆರಿಕಕ್ಕೆ ಭೇಟಿ ಕೊಡುತ್ತಿದ್ದಾರೆ. ಮೋದಿ ಅವರಿಗೆ ಅದ್ಭುತ ಸ್ವಾಗತಕೋರಲು ಅಮೆರಿಕದಲ್ಲಿರುವ ಭಾರತೀಯರು 16,000 ಸೀಟಿನ ಕೆಪ್ಯಾಸಿಟಿ ಇರುವ ನಾಸಾ ವೇಟೆರೇನ್ಸ್ ಮೆಮೋರಿಯಲ್ ಕಾಲಿಸಿಯಂ ಸ್ಟೇಡಿಯಂನಲ್ಲಿ ಬೃಹತ್ ರಿಸೆಪ್ಶನ್ ಏರ್ಪಡಿಸಿದ್ದಾರೆ. ಇದರಲ್ಲಿ ಭಾಗವಹಿಸಲು ಸಿಕ್ಕಾಪಟ್ಟೆ ಬೇಡಿಕೆ ಬಂದಿದ್ದು, ಲಾಟರಿ ಮೂಲಕ ಟಿಕೆಟ್ ನೀಡಲಾಗುತ್ತಿದೆ. ಇಂತಹ ಒಂದು ಸಂತೋಷದ, ಹೆಮ್ಮೆಪಡುವ ಸಮಯದಲ್ಲಿ ಅಲ್ಲೇ ಸಮೀಪದಲ್ಲಿರುವ ಸ್ವಾಮಿ ನಾರಾಯಣಸ್ವಾಮಿ ದೇವಸ್ಥಾನದ ದ್ವಾರಫಲಕದಲ್ಲಿ ಕೆಲವು ಕಿಡಿಗೇಡಿಗಳು ಮೋದಿ ಒಬ್ಬ ಭಯೋತ್ಪಾದಕ, ಹಿಂದುಗಳಿಗೆ ಧಿಕ್ಕಾರ ಹಾಗೂ ಹಿಂದುಸ್ತಾನ್ ಮುರ್ದಾಬಾದ್ ಎಂದು ಅಶ್ಲೀಲ ಹಾಗೂ ವಿಕೃತ ಬರಹಗಳನ್ನು ಬರೆದಿದ್ದಾರೆ.
