ಮುಂಬೈ: ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿಗೆ ನಿಖರ ಕಾರಣ ಗೊತ್ತಾಗಿಲ್ಲ. ಈ ಮಧ್ಯೆ ಅನೇಕ ಊಹಾಪೋಹಗಳು ಹರಿದಾಡುತ್ತಿವೆ. ಖಿನ್ನತೆಗೆ ಸಂಬಂಧಪಟ್ಟ ಮಾತ್ರೆಗಳು ಅವರ ರೂಂ ನಲ್ಲಿ ಸಿಕ್ಕಿವೆ ಎಂದು ಹೇಳಲಾಗಿತ್ತು.
ಕಳೆದ ನಾಲ್ಕೈದು ದಿನಗಳ ಹಿಂದಷ್ಟೇ ಸುಶಾಂತ್ ಅವರ ಮಾಜಿ ಮ್ಯಾನೇಜರ್ ದಿಶಾ ಸಾಲಿಯಾನ್ ಆತ್ಮಹತ್ಯೆ ಮಾಡಿಕೊಂಡಿದ್ದರು. ದಿಶಾ ಅವರೊಂದಿಗೆ ಸುಶಾಂತ್ಗೆ ಸಂಬಂಧವಿತ್ತಾ? ಅವರ ಸಾವು ಇವರಿಗೆ ಸಾಯುವಷ್ಟು ನೋವುಂಟು ಮಾಡಿತ್ತಾ ಎಂಬಂತಹ ಸುದ್ದಿಗಳೂ ಹರಿದಾಡುತ್ತಿವೆ.
ಈಗ ಸುಶಾಂತ್ ಸಾವಿಗೆ ಇನ್ನೊಂದು ವಿಚಾರ ಥಳುಕು ಹಾಕಿಕೊಂಡಿದೆ. ನಟ ಸುಶಾಂತ್ ಅವರು ಅಂಕಿತಾ ಲೋಕಂಡೆ ಎಂಬುವರೊಂದಿಗೆ ಸುಮಾರು 6 ವರ್ಷ ಡೇಟಿಂಗ್ ಮಾಡಿದ್ದರು. ಇವರಿಬ್ಬರೂ ಪರಸ್ಪರ ಪ್ರೀತಿ ಮಾಡುತ್ತಿದ್ದರು. ಆದರೆ 2016ರಲ್ಲಿಯೇ ಅಂಕಿತಾ ಮತ್ತು ಸುಶಾಂತ್ ಬೇರೆಯಾಗಿದ್ದರು.
ಜೂ.11ರಂದು ಅಂದರೆ ಎರಡು ದಿನಗಳ ಹಿಂದೆ ಅಂಕಿತಾ ಅವರು ವಿಕ್ಕಿ ಜೈನ್ ಜತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾಗಿ ವರದಿಯಾಗಿತ್ತು. ಈ ಜೋಡಿ ಅಧಿಕೃತವಾಗಿ ಹೇಳಿಕೊಳ್ಳದಿದ್ದರೂ, ಅಂಕಿತಾ ಅವರು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ ಕೆಲವು ಫೋಟೋ, ಬರಹಗಳಿಂದ ಹೀಗೊಂದು ಸುದ್ದಿ ಹರಡಿತ್ತು. ವಿಕ್ಕಿ ಮತ್ತು ಅಂಕಿತಾ ಲಾಕ್ಡೌನ್ ಸಂದರ್ಭದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂದು ಹಲವು ಮಾಧ್ಯಮಗಳು ವರದಿ ಮಾಡಿದ್ದವು. ಇದನ್ನೂ ಓದಿ: ‘ಆತ ನನ್ನನ್ನು ತುಂಬ ಪ್ರೀತಿಸುತ್ತಿದ್ದ…ನಾನು ಅವನ ಮಿಸ್ ಮಾಡಿಕೊಳ್ಳುತ್ತೇನೆ…’: ಶಾರುಖ್ ಖಾನ್ ಕಣ್ಣೀರು
2016ರಲ್ಲಿ ಅಂಕಿತಾ ಮತ್ತು ಸುಶಾಂತ್ ಬ್ರೇಕ್ಅಪ್ ಮಾಡಿಕೊಂಡಾಗ ಅಂಕಿತಾ ಲೋಕಂಡೆ ಟ್ವೀಟ್ ಮಾಡಿದ್ದರು. ಯಾವತ್ತೂ ನೀನೂ ಏಕಾಂಗಿ ಎಂದು ಬೇಸರಪಟ್ಟುಕೊಳ್ಳಬೇಡ. ನಾನು ಯಾವಾಗಲೂ ನಿನ್ನ ಹೃದಯದಲ್ಲಿ, ನಿನ್ನ ಜೀವನದಲ್ಲಿ ಇದ್ದೇ ಇರುತ್ತೇನೆ ಎಂದು ಹೇಳಿದ್ದರು. ಇಬ್ಬರೂ ಪರಸ್ಪರ ಒಪ್ಪಿಗೆಯಿಂದ ಬೇರೆಯಾಗುತ್ತಿದ್ದೇವೆಂದು ಈ ಜೋಡಿ ದೃಢಪಡಿಸಿತ್ತು. ಇದನ್ನೂ ಓದಿ: ನಟ ಸುಶಾಂತ್ ಸಿಂಗ್ನ ವೈದ್ಯರನ್ನು ಹುಡುಕುತ್ತಿದ್ದಾರೆ ಪೊಲೀಸರು; ಕೊನೆಯ ಕರೆ ಮಾಡಿದ್ಯಾರಿಗೆ?
ಇದೀಗ ಅಂಕಿತಾ ಲೋಕಂಡೆ ಅವರು ಸುಶಾಂತ್ ಸಾವಿಗೆ ತೀವ್ರ ದುಃಖ ವ್ಯಕ್ತಪಡಿಸಿದ್ದಾರೆ. ಇದು ತುಂಬ ಶಾಕಿಂಗ್ ವಿಚಾರ ಎಂದು ಹೇಳಿದ್ದಾರೆಂದು ಮಾಧ್ಯಮವೊಂದು ವರದಿ ಮಾಡಿದೆ. ಸುಶಾಂತ್ ಸಿಂಗ್ ಸಾವಿನ ಸುದ್ದಿಯನ್ನು ಕೇಳುತ್ತಿದ್ದಂತೆ, ಏನೂ ಮಾಡಲು ತೋಚದೆ, ಮುಂದೇನೂ ಮಾತು ಬಾರದೆ ಫೋನ್ ಕೆಳಗಿಟ್ಟು, ಒಂದು ಕ್ಷಣ ಕಂಗಾಲಾಗಿ ಕುಳಿತಿದ್ದಾಗಿ ಅವರು ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ ಎಂದು ವರದಿಯಾಗಿದೆ. (ಏಜೆನ್ಸೀಸ್)
ಮಾಜಿ ಮ್ಯಾನೇಜರ್ ದಿಶಾ ಆತ್ಮಹತ್ಯೆ ಸುದ್ದಿ ಕೇಳಿ ತೀವ್ರ ದುಃಖಿತರಾಗಿದ್ದ ಸುಶಾಂತ್; ಇಂದು ತಾವೂ ಅದೇ ಹಾದಿ ತುಳಿದರು