ಪತಂಜಲಿ ಋಷಿ ಮುನಿಗಳು ತಿಳಿಸಿದ ಅಷ್ಟಾಂಗ ಯೋಗದ ಮೂರನೇ ಮೆಟ್ಟಿಲು ಆಸನಗಳು ತುಂಬ ಸಹಕಾರಿಯಾಗುತ್ತವೆೆ. ಹೊಟ್ಟೆಗೆ ಸಂಬಂಧಪಟ್ಟ ಯೋಗಾಸನಗಳನ್ನು ಅಭ್ಯಾಸ ಮಾಡಿದಾಗ ಹೊಟ್ಟೆಯ ಭಾಗವು ಎಳೆತಕ್ಕೆ ಒಳಗಾಗಿ ಬೊಜ್ಜು ಕರಗಿಸಲು ಅನುಕೂಲವಾಗುತ್ತದೆ. ಯೋಗಾಭ್ಯಾಸದಿಂದ ದೇಹದ ಒಳಗಿನ ಅಂಗಕ್ಕೆ ಹೆಚ್ಚಿನ ವ್ಯಾಯಾಮ ಬೇಗನೆ ದೊರಕಿ ಕೊಬ್ಬು ಕರಗಲು ಸಹಕಾರಿಯಾಗುತ್ತದೆ. ಯೋಗಾಭ್ಯಾಸದಲ್ಲಿ ದೇಹವನ್ನು ಶಿಸ್ತುಬದ್ದವಾಗಿ, ಕ್ರಮವತ್ತಾಗಿ ಉಸಿರಿನ ಗತಿಯೊಂದಿಗೆ ಹಿಂದಕ್ಕೂ, ಮುಂದಕ್ಕೂ, ಪಾರ್ಶ್ವಗಳಿಗೆ ಬಾಗಿಸುವುದರಿಂದ ಮತ್ತು ತಿರುಚುವಿಕೆಯಿಂದ ಸಹಜವಾಗಿ ಕೊಬ್ಬು ಕರಗಲು ಸಹಕಾರಿಯಾಗುತ್ತದೆ. ಯೋಗಾಸನಗಳಲ್ಲಿ ಪ್ರಮುಖವಾಗಿ ಪಾದ ಹಸ್ತಾಸನ, ಪಶ್ಚಿಮೋತ್ಥಾಸನ, ಉಷ್ಟ್ರಾಸನ, ಊರ್ಧ್ವ ಪ್ರಸಾರಿತ ಪಾದಾಸನ, ಜಠರ ಪರಿವರ್ತನಾಸನ, ಪ್ರಸಾರಿತ ಪಾದೋತ್ಥಾಸನ, ಧನುರಾಸನ, ಅರ್ಧಮತ್ಸೆ ್ಯಂದ್ರಾಸನ, ಚಕ್ರಾಸನ, ರಾಜ ಕಪೋತಾಸನ ಇತ್ಯಾದಿಗಳು. ಮುದ್ರೆಗಳಲ್ಲಿ ಪ್ರಾಣ ಮುದ್ರೆ, ಸೂರ್ಯಮುದ್ರೆ, ಮಹಾಸೂರ್ಯ ಮುದ್ರೆ ಇತ್ಯಾದಿ. ಕಪಾಲಭಾತಿ, ಭಸ್ತ್ರಿಕಾ ಪ್ರಾಣಾಯಾಮ ಸಹಕಾರಿ. ಯೋಗವನ್ನು ಗುರುಮುಖೇನ ಅಭ್ಯಾಸ ಮಾಡಿ. (ಯೋಗದ ಮಾಹಿತಿ ಅರಿತುಕೊಂಡು).
