ಅಮೇರಿಕಾದ ಪ್ರತಿಷ್ಠಿತ ಸಿನಿಮಾ ಶಾಲೆಗಳಲ್ಲಿ, ಬೆಂಗಳೂರಿನ ಹಲವು ಪ್ರತಿಭಾವಂತರು ಸಿನಿಮಾ ತರಬೇತಿ ಪಡೆಯುತ್ತಿದ್ದಾರೆ. ನಂತರ ಹಾಲಿವುಡ್ ಚಿತ್ರಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅಂಥವರಲ್ಲಿ ಐಸಾಕ್ ಬಾಲಚಂದ್ರನ್ ಸಹ ಒಬ್ಬರು. ಬೆಂಗಳೂರು ಮೂಲದ ಐಸಾಕ್ ಸದ್ಯ ನ್ಯೂಯಾರ್ಕ್ನ ಬ್ರೂಕ್ಲಿನ್ನಲ್ಲಿದ್ದು, ಹಾಲಿವುಡ್ ಚಿತ್ರಗಳಿಗೆ ಸಂಕಲನಕಾರ ಮತ್ತು ಸೌಂಡ್ ಎಡಿಟರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಸಂಕಲನ ಮತ್ತು ಸೌಂಡ್ ಡಿಸೈನ್ ಕಲಿಯುವುದಕ್ಕೆ ನಾಲ್ಕು ವರ್ಷಗಳ ಹಿಂದೆ ನಾರ್ಥ್ ಕ್ಯಾರೋಲಿನಾಗೆ ಹಾರಿದ ಐಸಾಕ್, ಅಲ್ಲಿ ಬರೀ ಚಿತ್ರ ಸಂಕಲನವಷ್ಟೇ ಅಲ್ಲ, ಸಂಭಾಷಣೆ, ಬ್ಯಾಕ್ಗ್ರೌಂಡ್, ಸೌಂಡ್ ಎಫೆಕ್ಟ್ ್ಸ ಮುಂತಾದ ಹಲವು ವಿಭಾಗಗಳನ್ನು ಕಲಿತರು.
