ಕೃಷ್ಣದೇವರಾಯನ ಆಸ್ಥಾನದಲ್ಲಿ ವರ್ಷದ ಮಹಾಮೂರ್ಖ ಸ್ಪರ್ಧೆಯಲ್ಲಿ ಯಾರು ಬೇಕಾದರೂ ಭಾಗವಹಿಸಬಹುದಾಗಿತ್ತು. ಗೆದ್ದವರಿಗೆ 1000 ಚಿನ್ನದ ನಾಣ್ಯ ಬಹುಮಾನ ಎಂದು ಘೊಷಿಸಲಾಗಿತ್ತು. ಇದು ಎಲ್ಲರ ಮನದಲ್ಲಿ ಆಸೆಯ ಅಲೆಗಳನ್ನೆಬ್ಬಿಸಿತು. ಆದರೆ ಅವರೆಲ್ಲರಿಗೂ ಒಂದು ತೊಂದರೆಯೆಂದರೆ ಪ್ರತಿ ಸಲವೂ ತೆನಾಲಿ ರಾಮನೇ ಈ ಸ್ಪರ್ಧೆಯಲ್ಲಿ ಗೆಲ್ಲುವುದು. ಇದನ್ನು ತಡೆಯಲು ಉಪಾಯ ಮಾಡಿ ತೆನಾಲಿ ರಾಮ ಮತ್ತು ಕುಟುಂಬದವರೆಲ್ಲ ಅವನ ಅಜ್ಜನ ಊರಿಗೆ ಹೋಗಿದ್ದಾರೆ ಎಂದು ಹೇಳಿ, ರಾಮನ ಮನೆಯ ಸೇವಕನಿಗೆ ಲಂಚ ಕೊಟ್ಟು ರಾಮನ ಕೊಠಡಿಗೆ ಸ್ಪರ್ಧೆಯ ದಿನ ಬೀಗ ಹಾಕುವಂತೆ ಏರ್ಪಾಟು ಮಾಡಿದರು. ಅಂದು ಸಂಜೆಯಾಗುತ್ತಿದ್ದಂತೆ ಸೇವಕ ಬೀಗ ತೆಗೆದು ಹೊರಗೆ ಓಡಿಹೋದ. ಆದರೆ ಸ್ಪರ್ಧೆ ಮುಗಿದು ಹೋಗಿತ್ತು. ವಿಜೇತರ ಹೆಸರನ್ನು ಘೊಷಿಸುವುದು ಬಾಕಿ ಉಳಿದಿತ್ತು. ರಾಮ ಅಲ್ಲಿಗೆ ಬಂದದ್ದನ್ನು ಕಂಡು ರಾಜ ಯಾಕೆ ಇಷ್ಟು ತಡವಾಗಿ ಬಂದೆ? ಎಂದು ಪ್ರಶ್ನಿಸಿದ.
