ಅ) ಅವಿದ್ಯಾವಂತ ಯುವಕರಿಗೆ-ಖಾಸಗಿ ಮತ್ತು ಸರ್ಕಾರಿ ಸ್ವಾಮ್ಯದ ಆರೋಗ್ಯ ಸಹಾಯಕರು, ವ್ಯಾಪಾರ/ಕಚೇರಿಗಳ ಸಹಾಯಕ ಹುದ್ದಗೆ ಬೇಕಾಗುವ ಸಂವಹನ ಕೌಶಲ, ಭಾಷಾಜ್ಞಾನ ಮತ್ತು ಶಿಕ್ಷಣ ಒದಗಿಸಬೇಕು. ಆ) ಪಿಯುಸಿ ಶಿಕ್ಷಣ- ಪಿಯುಸಿ ಶಿಕ್ಷಣ ಪಡೆದ ವಿದ್ಯಾರ್ಥಿಗಳಿಗೆ ವಿಶೇಷ ಪದವಿ ಮತ್ತು ಡಿಪ್ಲೊಮಾ ಕೋರ್ಸ್ ವಿನ್ಯಾಸ ಮಾಡಬೇಕು. ಪರೀಕ್ಷಾ ಘಟಕ, ದಂತಚಿಕಿತ್ಸೆ, ಮೈಕ್ರೋಬಯಾಲಜಿ, ರೇಡಿಯೋಲಜಿ, ಸಮೂಹ ಆರೋಗ್ಯ ಕೇಂದ್ರ, ಆಸ್ಪತ್ರೆ ವ್ಯವಹಾರ ನಿರ್ವಹಣೆ, ಆಡಳಿತ ಇವುಗಳಿಗೆ ಪೂರಕವಾಗುವ ಪ್ಯಾರಾಮೆಡಿಕಲ್ ಉದ್ಯೋಗಕ್ಕೆ ನೆರವಾಗುವ ಡಿಪ್ಲೊಮಾ ಮತ್ತು ಪದವಿ ಕೋರ್ಸಗಳನ್ನು ರೂಪಿಸಬೇಕು. ಇ) ಪದವೀಧರ ವಿದ್ಯಾರ್ಥಿಗಳಿಗಾಗಿ-ಇನ್ಕ್ಯೂಬೇಷನ್ ಸೆಂಟರ್, ಸ್ವಯಂಉದ್ಯೋಗ ಚಾಲನಾ ಕೇಂದ್ರ, ಬಂಡವಾಳ ಹೂಡಿಕಾ ಸಾಮರ್ಥ್ಯ ಕೇಂದ್ರ ಹಾಗೂ ಉದ್ಯಮಶೀಲತಾ ತರಬೇತಿ ಕೋರ್ಸಗಳನ್ನು ರೂಪಿಸಬಹುದು. ಈ) ಲೋಕಸೇವಾ ಪರೀಕ್ಷಾ ತರಬೇತಿ ಅಕಾಡೆಮಿ/ಸಂಸ್ಥೆಗಳು. ಉ) ಅಂಗವಿಕಲರಿಗಾಗಿ ಉದ್ಯೋಗಾವಕಾಶ ಒದಗಿಸುವಂಥ, ತಾಂತ್ರಿಕವಾಗಿ ಮುಂದುವರಿದ ಮಾದರಿಯಲ್ಲಿ ತರಬೇತಿ ನೀಡುವುದು. ಇದರಿಂದ ಶಿಕ್ಷಣಕ್ಕೊಂದು ಮಾನವೀಯ ಆಯಾಮ ಕೊಟ್ಟಂತಾಗುತ್ತದೆ. ಬ್ರಿಟಿಷ್ ಕೌನ್ಸಿಲ್ ಮತ್ತು ಐಎಲ್ಒಗಳ (ಇಂಟರ್ನ್ಯಾಷನಲ್ ಲೇಬರ್ ಆರ್ಗನೈಸೇಷನ್) ಸಲಹೆಗಳ ಅನುಸಾರವಾಗಿ ಮೂರನೇ ವ್ಯಕ್ತಿ ಮಾನ್ಯತೆಗಾಗಿ (ಥರ್ಡ್ ಪಾರ್ಟಿ ಸ್ಕಿಲ್ ಸರ್ಟಿಫಿಕೇಷನ್)ಅಂತಾರಾಷ್ಟ್ರೀಯ ಖ್ಯಾತ ಸಂಸ್ಥೆಗಳಿಂದ ಕುಶಲಕರ್ವಿು ವೃತ್ತಿ ಮಾನ್ಯತಾ ಸರ್ಟಿಫಕೇಟ್ ಒದಗಿಸಿಕೂಡಬೇಕು. ಊ) ಉದ್ಯೋಗಾವಕಾಶ ಒದಗಿಸುವ ಭರವಸೆಯನ್ನು ಹೆಚ್ಚಿಸಲು ರಾಜ್ಯ ವಾಣಿಜ್ಯೋದ್ಯಮ ಸಂಸ್ಥೆಯನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಈ ಯೋಜನೆಯಲ್ಲಿ ತೊಡಗಿಸಿಕೊಳ್ಳಬೇಕು.
