ನವದೆಹಲಿ: ‘ಮೌಂಟ್ ಎವರೆಸ್ಟ್ ಹಿನ್ನೆಲೆಯಲ್ಲಿ ಕಂಡು ಸೂರ್ಯನ ಪ್ರಭಾವಳಿ. ಜಗತ್ತಿನ ಅತಿ ಎತ್ತರದ ಈ ಪರ್ವತ ಚೀನಾ ಅಧೀನದ ಟಿಬೆಟ್ ಸ್ವಾಯತ್ತ ಪ್ರದೇಶದಲ್ಲಿದೆ’…
ಎವರೆಸ್ಟ್ ಪರ್ವತದ ಚಿತ್ರವೊಂದನ್ನು ಪೋಸ್ಟ್ ಮಾಡಿ ಇಂಥದ್ದೊಂದು ಸುದ್ದಿಯನ್ನು ಚೀನಾ ಸರ್ಕಾರಿ ಸುದ್ದಿ ಸಂಸ್ಥೆ ಸಿಜಿಟಿಎನ್ ಇತ್ತೀಚೆಗೆ ಬಿತ್ತರಿಸಿತ್ತು. ಇದು ಭಾರಿ ವಿವಾದಕ್ಕೂ ಕಾರಣವಾಗಿ, ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಆಕ್ರೋಶ ವ್ಯಕ್ತವಾಯಿತು.
ಲಾಕ್ಡೌನ್ ಹಿನ್ನೆಲೆಯಲ್ಲಿ ಎವರೆಸ್ಟ್ ಪರ್ವತದ ಚಾರಣಕ್ಕೆ ಅನುಮತಿ ನೀಡಲಾಗುತ್ತಿಲ್ಲ. ಇದೇ ಅವಧಿಯಲ್ಲಿ ಈ ಪರ್ವತದ ಎತ್ತರ ಅಳೆಯಲು ನೇಪಾಳ ಹಾಗೂ ಚೀನಾ ತಜ್ಞರ ತಂಡ ಸಜ್ಜಾಗಿದೆ. ಇದಕ್ಕಾಗಿ ಎವರೆಸ್ಟ್ ತಪ್ಪಲಲ್ಇ ಬೀಡುಬಿಟ್ಟಿದೆ. ಈ ತಂಡ ತಿಂಗಳ ಕೊನೆಗೆ ಇದರ ನಿಖರ ಎತ್ತರವನ್ನು ಇನ್ನೊಮ್ಮೆ ಪರೀಕ್ಷೆ ಮಾಡಲಿದೆ.
ಇದನ್ನೂ ಓದಿ; ನೇಪಾಳದಲ್ಲಿ ಸಂಭವಿಸಿದ ಭೂಕಂಪಕ್ಕೆ ಕುಸಿಯಿತಾ ಮೌಂಟ್ ಏವರೆಸ್ಟ್?
ಅಷ್ಟಕ್ಕೂ ಈಗ ಎತ್ತರವನ್ನು ಅಳೆಯಲು ಮುಖ್ಯ ಕಾರಣವೂ ಇದೆ. ಅದೇನೆಂದರೆ, 2015ರಲ್ಲಿ ನೇಪಾಳದಲ್ಲಿ ಸಂಭವಿಸಿದ ಭಾರಿ ಭೂಕಂಪ ನೇಪಾಳ ರಾಜಧಾನಿ ಸೇರಿ ದೇಶದ ಬಹುತೇಕ ಭಾಗವನ್ನು ಧ್ವಂಸಗೊಳಿಸಿತ್ತು. ಎವರೆಸ್ಟ್ ಪರ್ವತದ ತಪ್ಪಲಲ್ಲೂ 8.1 ತೀವ್ರತೆಯಲ್ಲಿ ಭಾರಿ ಕಂಪನ ಉಂಟಾಗಿತ್ತು. ಇದು ಪರ್ವತದ ಮೇಲೆ ಪರಿಣಾಮ ಬೀರಿದೆಯೇ ಎಂಬುದನ್ನು ತಿಳಿಯಲಾಗುತ್ತಿದೆ. ಹಾಗಿದ್ದರೆ, ಭೂಕಂಪದಿಂದಾಗಿ ಮೌಂಟ್ ಎವರೆಸ್ಟ್ ಚೀನಾಗೆ ಸೇರ್ಪಡೆಯಾಗಿದೆಯೇ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ರೋಶ ವ್ಯಕ್ತವಾಗುತ್ತಿದೆ.
ಮೌಂಟ್ ಎವರೆಸ್ಟ್ ನೇಪಾಳದಲ್ಲಿದೆ. ಸುಳ್ಳು ಸುದ್ದಿ ಹಬ್ಬುವುದನ್ನು ನಿಲ್ಲಿಸಿ. ‘#BackOffChina’ ಎಂಬ ಹೆಸರಿನಲ್ಲಿ ಚೀನಾ ವಿರುದ್ಧ ಅಭಿಯಾನ ನಡೆಸಲಾಗುತ್ತಿದೆ. ನೇಪಾಳ ಸರ್ಕಾರ ಚೀನಾ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ನೇಪಾಳಿಗರು ಒತ್ತಾಯಿಸುತ್ತಿದ್ದಾರೆ.
ಇದನ್ನೂ ಓದಿ; ಮತ್ತೆ 556 ಎಸ್ಐ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದ ಪೊಲೀಸ್ ಇಲಾಖೆ
ಗಡಿ ವಿಚಾರದಲ್ಲಿ ಚೀನಾ ತಂಟೆ ತೆಗೆಯುವುದು ಇದೇ ಮೊದಲೇನೂ ಅಲ್ಲ. ಆದರೆ, ಮೌಂಟ್ ಎವರೆಸ್ಟ್ ಛಾರಣ ಹಾಗೂ ಮಾನಸ ಸರೋವರ ಯಾತ್ರೆ ವಿಚಾರದಲ್ಲಿ ಭಾರತೀಯರು ಈ ಕಿರುಕುಳಕ್ಕೆ ಒಳಗಾಗುತ್ತಲೇ ಇರುತ್ತಾರೆ.
ಇದೀಗ ಮೌಂಟ್ ಎವರೆಸ್ಟ್ ಎತ್ತರ ಅಳೆಯುವ ವಿಷಯವನ್ನಿಟ್ಟುಕೊಂಡು ಹೊಸ ಗಡಿ ತಂಟೆ ಹುಟ್ಟು ಹಾಕಲು ಚೀನಾ ಮುಂದಾಗಿದೆಯೇ ಎಂಬ ಅನುಮಾನ ಶುರುವಾಗಿದೆ. ಇದಕ್ಕಾಗಿ ಟಿಬೆಟ್ ಗಡಿಯನ್ನು ಬಳಸಿಕೊಳ್ಳಬಹುದು ಎಂದೇ ವಿಶ್ಲೇಷಿಸಲಾಗುತ್ತಿದೆ.
ಕಾರ್ಮಿಕರನ್ನು ಬೆಂಗಳೂರಿಗೆ ಕರೆತರಲು ಜಿಲ್ಲೆಗಳಿಂದ ಹೊರಡುತ್ತಿವೆ ವಿಶೇಷ ಬಸ್ಗಳು