2010ರ ಡಿಸೆಂಬರ್ ತಿಂಗಳ ಒಂದು ಸಂಜೆ ಮಹಾನಗರದ ಪೊಲೀಸ್ ಠಾಣೆಯೊಂದರ ಇನ್ಸ್ಪೆಕ್ಟರ್ ಮೊಬೈಲ್ಗೆ ಅನೂಪ್ ಎನ್ನುವವನು ಸಂರ್ಪಸಿ ತನ್ನ ಹೆಂಡತಿ ಶೀತಲ್ ಕೊಲೆಯಾಗಿರುವುದಾಗಿ ತಿಳಿಸಿದ. ವಿವರಗಳನ್ನು ತಿಳಿಸಲು ಕೋರಿದಾಗ, ‘ನಾನು ಒಬ್ಬ ಬಿಸಿನೆಸ್ವುನ್. ಪತ್ನಿ ಶೀತಲ್ ಜೊತೆಗೆ ನಿಮ್ಮ ಠಾಣೆಯ ವ್ಯಾಪ್ತಿಯಲ್ಲಿರುವ ಬಾಡಿಗೆ ಮನೆಯೊಂದರಲ್ಲಿ ವಾಸಿಸುತ್ತಿದ್ದೇನೆ. ಪತ್ನಿ ಸಾಫ್ಟ್ವೇರ್ ಇಂಜಿನಿಯರ್ ಆಗಿದ್ದು ಬಹುರಾಷ್ಟ್ರೀಯ ಕಂಪನಿಯಲ್ಲಿ ಕೆಲಸಮಾಡುತ್ತಾಳೆ. ನಮಗೆ ಮಕ್ಕಳಾಗಿಲ್ಲ. ನಾನು ಕೆಲಸದ ಮೇಲೆ ಭೋಪಾಲ್ಗೆ ಬಂದು ಮೂರು ದಿನಗಳಾದವು. ಈ ಬೆಳಗ್ಗೆ ವಾಡಿಕೆಯಂತೆ ಪತ್ನಿಯ ಮೊಬೈಲ್ಗೆ ಕರೆ ಮಾಡಿದೆ, ಉತ್ತರ ಬರಲಿಲ್ಲ. ಆನಂತರ ಹಲವಾರು ಬಾರಿ ಕರೆ ಮಾಡಿದರೂ ಪ್ರತಿಕ್ರಿಯಿಸಲಿಲ್ಲ. ಅವಳು ಕಚೇರಿ ಕೆಲಸದಲ್ಲಿ ಬಿಜಿಯಾಗಿರಬಹುದೆಂದು ಸುಮ್ಮನಾಗಿ ಮತ್ತೆ ಸಂಜೆ ಕರೆ ಮಾಡಿದಾಗಲೂ ಉತ್ತರಿಸಲಿಲ್ಲ. ಗಾಬರಿಗೊಂಡು ನಮ್ಮ ಮನೆಯ ಮಾಲೀಕರಿಗೆ ಕರೆ ಮಾಡಿ ನನ್ನ ಮನೆಗೆ ಹೋಗಿ ನೋಡಲು ವಿನಂತಿಸಿದೆ. ಅವರು ತಮ್ಮ ಬಳಿಯಿದ್ದ ಡೂಪ್ಲಿಕೇಟ್ ಕೀಲಿಕೈ ಉಪಯೋಗಿಸಿ ನಮ್ಮ ಮನೆಯೊಳಗೆ ಹೋಗಿ ನೋಡಿ ಶೀತಲ್ ರಕ್ತದ ಮಡುವಿನಲ್ಲಿ ಬಿದ್ದಿದ್ದಾಳೆ ಎಂದು ಈಗ ತಾನೇ ತಿಳಿಸಿದ್ದಾರೆ, ತಾವು ದಯವಿಟ್ಟು ಅಲ್ಲಿಗೆ ಹೋಗಿ ತನಿಖೆ ನಡೆಸಿ’ ಎಂದ.
