‘ಪ್ರಭು ಸಹಜವಾಗಿ ನೋಡುವುದಾದರೆ ಚಿನ್ನ, ವಜ್ರ, ಹಣ ಅಮೂಲ್ಯವೇ ಸರಿ. ಆದರೆ, ಕೆಲವು ಸಮಯದಲ್ಲಿ ಇವೆಲ್ಲವೂ ನಿಷ್ಪ್ರಯೋಜಕ ಎನಿಸುತ್ತವೆ. ನನ್ನ ಪ್ರಕಾರ, ನೀರು ಭೂಮಿಯ ಮೇಲೆ ಅತ್ಯಂತ ಅಮೂಲ್ಯವಾದದ್ದು’ ಎಂದು ಧರ್ಮವೀರ ಹೇಳಿದಾಗ ರಾಜನಿಗೆ ಕೋಪ ಬಂದಿತು.‘ಎಷ್ಟು ಮೂರ್ಖ ನೀನು. ಚಿನ್ನ, ವಜ್ರ, ಹಣಕ್ಕಿಂತ ನೀರು ಅಮೂಲ್ಯವೇ? ದೇವರು ನಮಗೆ ನದಿ, ಕೊಳ, ಸಮುದ್ರ ಇತ್ಯಾದಿ ರೂಪದಲ್ಲಿ ಸಾಕಷ್ಟು ನೀರು ನೀಡಿರುವನು. ನೀರು ಅಮೂಲ್ಯವಾದದ್ದು ಎಂಬುದಕ್ಕೆ ನನ್ನ ಸಹಮತವಿಲ್ಲ’ ಎಂದನು. ಧರ್ಮವೀರ ತನ್ನ ಸಮರ್ಥನೆ ಬಿಡದೆ, ‘ನೀರು ಜೀವಕ್ಕೆ, ಜೀವನಕ್ಕೆ ಅತ್ಯಗತ್ಯ. ಎಲ್ಲಾ ಕಾಲಕ್ಕೂ ಬೇಕು’ ಎಂದಾಗ, ರಾಜ ನೀರಿನ ಕುರಿತಾದ ಅಭಿಪ್ರಾಯ ಸಾಬೀತುಪಡಿಸಲು ತಿಳಿಸಿದ.
