ಲಾಭದಾಯಕ ಉದ್ಯಮ: ಕೋಳಿ ಸಾಕಣೆಯಲ್ಲಿ ಚರಣ್ ಜತೆ ಮಾವ ಮಂಜೇಗೌಡ ಕೈಜೋಡಿಸಿದ್ದು, ತಮಿಳುನಾಡಿನಿಂದ ಮರಿಗಳನ್ನು ಖರೀದಿಸಿ ತಂದು ಸುಮಾರು 8 ತಿಂಗಳವರೆಗೆ ಜೋಪಾನವಾಗಿ ಸಾಕಿದರೆ ಕೈತುಂಬ ಹಣ ಗ್ಯಾರಂಟಿ. 200 ರೂ.ಗೆ ಮರಿ ತಂದು 8 ತಿಂಗಳವರೆಗೆ ಸಾಕಿದರೆ ಕೋಳಿ ಸುಮಾರು 5-6 ಕೆ.ಜಿ. ತೂಗಲಿದೆ. ಇದರ ಮಾಂಸ ಕಪ್ಪು ಬಣ್ಣದಿಂದ ಕೂಡಿರುವುದು ವಿಶೇಷವಾಗಿದ್ದು, ಒಂದು ಕೆ.ಜಿ. ಕೋಳಿಗೆ 500 ರೂ., ಮೊಟ್ಟೆಗೆ 25-30 ರೂ. ಬೆಲೆ ಇದೆ. ಸಾಕಣೆ ಕೇಂದ್ರಕ್ಕೆ ಗ್ರಾಹಕರು ಬಂದು ಖರೀದಿಸುತ್ತಿದ್ದು, ಮಾರುಕಟ್ಟೆ ಸಮಸ್ಯೆ ಕಾಡುತ್ತಿಲ್ಲ. ಒಂದು ಮೊಟ್ಟೆ ಕೋಳಿ ಸರಾಸರಿ 30-40 ಮೊಟ್ಟೆ ಇಡಲಿದ್ದು, ನಂತರ ಕೋಳಿ ಮಾರಾಟ ಮಾಡುವುದರಿಂದ ಮತ್ತಷ್ಟು ಲಾಭ ಸಿಗಲಿದೆ. ಕೋಳಿ ಸಾಕಲು ಕನಿಷ್ಠ ತಲಾ 300 ರೂ. ಖರ್ಚು ಮಾಡಿದರೆ ಸಾಕು. ರಾಗಿ, ಜೋಳ, ಗೋಧಿಯಂತಹ ಆಹಾರವನ್ನು ನೀಡುತ್ತಿದ್ದು, ಸ್ತಳೀಯವಾಗಿ ಎಲ್ಲವೂ ಸಿಗುತ್ತವೆ. ಕೋಳಿಗೆ ರೋಗನಿರೋಧಕ ಶಕ್ತಿ ಇದ್ದು ರೋಗಬಾಧೆಯಂತಹ ಸಮಸ್ಯೆ ಕಾಡುತ್ತಿಲ್ಲ. ಜಮೀನಿನಲ್ಲಿಯೇ 3 ಗುಂಟೆ ವಿಸ್ತೀರ್ಣದಲ್ಲಿ ಶೆಡ್ ನಿರ್ವಿುಸಿಕೊಂಡು 800 ಕೋಳಿ ಸಾಕಣೆ ಮಾಡಲಾಗುತ್ತಿದೆ.
