ಬೇಸಾಯ ಕ್ರಮ: ತೋಟದಲ್ಲಿ ಬಳಿ ಆಲೂಗಡ್ಡೆ ಬೆಳೆಯುವಾಗ ಸುಮಾರು ಎರಡು ಅಡಿ ಆಳ ಹಾಗೂ ಅಗಲದ ಗುಂಡಿ ತೋಡಿ ಗೊಬ್ಬರ, ಹಿಂಡಿ ಹಾಕಿ ಬೆಳೆ ನಾಟಿ ಮಾಡಬೇಕು. ಸಾಮಾನ್ಯವಾಗಿ ಡಿಸೆಂಬರ್ ನಂತರ ನಾಟಿ ಮಾಡಿದರೆ ಗಡ್ಡೆಗಳು ಚೆನ್ನಾಗಿ ಮೊಳಕೆಯೊಡೆಯುತ್ತವೆ. ಸುಮಾರು ಎರಡೂವರೆ ತಿಂಗಳ ನಂತರ ಕಾಯಿ ಬಿಡಲು ಆರಂಭವಾಗುತ್ತವೆ. ಬಳ್ಳಿ ಚೆನ್ನಾಗಿ ಹಬ್ಬಿದ ನಂತರ ಎಲೆಗೆ ಒಂದರಂತೆ ಕಾಯಿ ಬಿಡುತ್ತವೆ. ಈ ಬೆಳೆಯ ಬೇರುಗಳು ಹೆಚ್ಚಾಗಿ ಭೂಮಿಯ ಆಳಕ್ಕೆ ಹೋಗುವುದಿಲ್ಲ. ಹಾಗಾಗಿ ಮನೆ ಅಂಗಳದಲ್ಲಿಯೂ ಬೆಳೆಯಬಹುದು. ಇನ್ನು ಬಳ್ಳಿ ಆಲೂಗಡ್ಡೆ ಬೆಳೆಯಲು ಅಷ್ಟಾಗಿ ಖರ್ಚಾಗದು. ಗಡ್ಡೆ ನೆಡುವಾಗ ಹಾಗೂ ಬಳ್ಳಿಯಲ್ಲಿ ಗಡ್ಡೆ ಬೆಳೆಯಲು ಶುರುವಾದಾಗ ಗೊಬ್ಬರ ನೀಡಿದರೆ ಸಾಕು. ಉಳಿದಂತೆ ಇದಕ್ಕೆ ರಾಸಾಯನಿಕ, ಔಷಧ ಬಳಸುವ ಅಗತ್ಯವಿಲ್ಲ. ಒಂದು ವೇಳೆ ಬಳ್ಳಿಗೆ ಯಾವುದಾದರೂ ಹುಳು ಬಿದ್ದಲ್ಲಿ ಮಜ್ಜಿಗೆ ಮಿಶ್ರಿತ ನೀರು ಸಿಂಪಡಿಸಿದರೆ ಸಾಕು.
