"ಕೆಲವರು ಕೆಲಸ ಮಾಡಿಕೊಂಡು ಪರೀಕ್ಷೆ ಬರೆಯುತ್ತಾರೆ. ಬರೆಯಬಹುದು. ಆದರೆ ಅದಕ್ಕೆ ಹೆಚ್ಚು ಸಮಯ, ಶ್ರಮ ಬೇಕಾಗುತ್ತದೆ. ಯಾರೇ ಆಗಲಿ ಪರೀಕ್ಷೆ, ಓದು ಎರಡನ್ನೂ ಎಂಜಾಯ್ ಮಾಡಿದಾಗ ಯಶಸ್ಸು ಸಿಗುವುದು. ಒತ್ತಡ ಮಾಡಿಕೊಂಡರೆ ಕಷ್ಟವಾಗುತ್ತದೆ. ಈಗಲೂ ನನಗೆ ಯಾವುದೇ ಪ್ರಶ್ನೆ ಪತ್ರಿಕೆ ನೋಡಿದರೆ ಖಷಿಯಾಗುತ್ತದೆ. ಅದಕ್ಕೆ ಉತ್ತರಿಸಬೇಕು ಅನಿಸುತ್ತದೆ. ನಾನಂತೂ ಪರೀಕ್ಷೆ ಮುಗಿಯುವುದಕ್ಕೆ ಅರ್ಧ ಗಂಟೆ ಇರುವಾಗಲೇ ಮುಗಿಸಿ ಕೂರುತ್ತಿದ್ದೆ. ನೆನಪಿಡಿ ಒತ್ತಡವಿದ್ದರೆ ಪರೀಕ್ಷೆ ಬರೆಯಲು ಸಾಧ್ಯವಿಲ್ಲ. ಜತೆಗೆ ಕುಟುಂಬದ ಬೆಂಬಲವೂ ಬೇಕು. ಪರೀಕ್ಷೆಗೆ ಸಿದ್ಧತೆ ನಡೆಸುವಾಗ ಮೈಂಡ್ ವೀಕ್ ಆಗಬಹುದು, ಬೇರೆಡೆ ಗಮನ ಹೋಗಬಹುದು. ಟಿವಿ ನೋಡಬೇಕು, ಹೊರಗಡೆ ಹೋಗಬೇಕು, ಸಿನಿಮಾ ನೋಡಬೇಕು ಅನಿಸುತ್ತದೆ. ನಾವುಗಳು ಮನಸ್ಸನ್ನು ಹಿಡಿತದಲ್ಲಿಟ್ಟುಕೊಂಡು ಓದಬೇಕೆಂದರೆ ಕುಟುಂಬದ ಪ್ರೇರಣೆ ಬಹಳ ಮುಖ್ಯವಾಗುತ್ತದೆ. ಕುಟುಂಬದವರು ಒತ್ತಡ ಹಾಕದೆ, ಪ್ರೇರಣೆಯಾದ್ರೆ ಪರೀಕ್ಷೆ ಬರೆಯಲು ಅನುಕೂಲವಾಗುತ್ತದೆ. ಈಗಂತೂ ಇಂಟರ್ನೆಟ್ ಉಪಯೋಗಿಸಿಕೊಂಡು ಸಾಕಷ್ಟು ವಿಷಯಗಳನ್ನು ಕಲಿಯಬಹುದು. ಗೂಗಲ್ನಲ್ಲಿ ಫ್ರೀ ಕೋಚಿಂಗ್ ತರಗತಿಗಳು ಕೂಡ ಇದ್ದು, ಉಪಯೋಗಿಸಿಕೊಳ್ಳಬಹುದು. ಎಲ್ಲಿಗೆ ಹೋದರೂ, ಯಾರೆ ಹೇಳಿಕೊಟ್ಟರೂ ಕೊನೆಗೆ ಅದನ್ನು ಓದುವವರು ನಾವೇ ಅಲ್ಲವೇ'.
