ತರಕಾರಿ, ಹಣ್ಣಿನ ವ್ಯಾಪಾರಿಗಳಿಂದ ಈ ರಹಸ್ಯವನ್ನು ಕಲಿಯಬಹುದು. ‘ಕೆಜಿಗೆ ಎಷ್ಟು’ ಅಂತ ಕೇಳಿ. ‘100 ರೂಪಾಯಿ’ ಎನ್ನುತ್ತಾನೆ. ‘80ಕ್ಕೆ ಕೊಡು’ ಅಂದ್ರೆ ‘ಅಯ್ಯೋ ಸ್ವಾಮಿ, ನಮ್ಮ ಅಸಲೇ 90, 95ಕ್ಕೆ ಕಮ್ಮಿ ಇಲ್ಲಾ’ ಅಂತಾನೆ. ‘80ಕ್ಕೆ ಕೊಡುತ್ತೀ ಆದ್ರೆ ಕೊಡು’ ಅನ್ನಿ. ವ್ಯಾಪಾರಿ ನಷ್ಟಕ್ಕೆ ಕೊಡುವವನಂತೆ ನಟಿಸುತ್ತ ‘ಎಷ್ಟು ಬೇಕು’ ಅಂತ ಕೇಳ್ತಾನೆ. ‘ಒಂದು ಕೆಜಿ’ ಅಂದ್ರೆ, ‘ಎರಡು ಕೇಜಿ ತಗೋತೀರಾದ್ರೆ ಕೊಡ್ತೀನಿ’ ಅಂತಾನೆ. ಕೊನೆಗೆ ‘ನಂಗೆ ಒಂದೇ ಕೆಜಿ ಸಾಕು, ಕೊಡ್ತೀ ಆದ್ರೆ ಕೊಡು, ಇಲ್ಲಾಂದ್ರೆ ಬೇಡಾ’ ಅಂದಾಗ 80 ರೂ.ಗೆ ಕೊಟ್ಟು ಬಿಡ್ತಾನೆ. ಅವನ ಅಸಲು ಎಷ್ಟೇ ಅನ್ನಲಿ, ನೀವು ನಿಮ್ಮ ಬೆಲೆಗೆ ಕೇಳಿ. ಇದು ಎಲ್ಲ ಕಡೆ ನಡಿಯೋಲ್ಲಾ. ಮಂಗಳೂರಿನ ಕಡೆ ಚೌಕಾಸಿ ಮಾಡಿದರೆ ಕೆಕ್ಕರಿಸಿ ನೋಡುತ್ತಾರೆ. ದೆಹಲಿಯಲ್ಲಿ ಚೌಕಾಸಿ ಮಾಡಿದರೆ ಅರ್ಧಕ್ಕಿಂತ ಕಡಿಮೆಗೆ ಕೊಟ್ಟುಬಿಡುತ್ತಾರೆ.
