ವಾಸ್ತವದಲ್ಲಿ ಇಡೀ ಪ್ರಕೃತಿಯೇ ಬೆಳಕು! ಸೂರ್ಯ ನೀಡುವುದು ಪ್ರಕಾಶವನ್ನೇ, ಚಂದ್ರ ಒದಗಿಸುವುದು ಶೀತಲ ಬೆಳಕನ್ನೇ. ನಕ್ಷತ್ರಗಳು ನಿಮಿರ್ಸುವುದೂ ಬೆಳಕಿನ ಹಾದಿಯನ್ನೇ. ಬೆಳಕು ಬರೀ ಬೆರಗಲ್ಲ, ಅದು ವಿಶ್ವಾಸ, ಕೆಟ್ಟದ್ದನ್ನು ಕೊನೆಗೊಳಿಸುವ ಅದ್ಭುತ ಶಕ್ತಿ, ಅದು ಭರವಸೆ ಮೂಡಿಸುತ್ತದೆ, ಆತ್ಮಸ್ಥೈರ್ಯ ಹೆಚ್ಚಿಸುತ್ತದೆ. ಭಾರತೀಯ ಸಂಸ್ಕೃತಿಗೂ ಬೆಳಕಿಗೂ ಅವಿನಾಭಾವ ನಂಟು. ನಮ್ಮೆಲ್ಲ ಉತ್ಸವ, ಹಬ್ಬಹರಿದಿನಗಳು ಕತ್ತಲೆಯನ್ನು ಕಳೆಯುವ, ಬೆಳಕನ್ನು ಪಸರಿಸುವ ಆಶಯವನ್ನೇ ಹೊಂದಿವೆ. ದೀಪಾವಳಿ ಹೊತ್ತಲ್ಲಿ ಬೆಳಗುವ ಹಣತೆ ಬರೀ ನಮ್ಮ ಮನೆಗಳನ್ನು ಬೆಳಗಬೇಕು ಎಂದಲ್ಲ, ಮನದಲ್ಲಿನ ಅಂಧಕಾರ, ಕಲ್ಮಶ, ವಿಷಾದಗಳನ್ನೆಲ್ಲ ದೂರ ಮಾಡಿ ಅಂತಃಕರಣದ ಲೋಕ ವಿಶಾಲವಾಗಬೇಕು ಎಂದು. ಅದಕ್ಕೆಂದೆ, ಕಾತಿರ್ಕ ಮಾಸದಲ್ಲಿ ಬಹುತೇಕ ಎಲ್ಲ ದೇವಸ್ಥಾನಗಳಲ್ಲಿ ದೀಪೋತ್ಸವವನ್ನು ನಡೆಸುವ ಮೂಲಕ ಬೆಳಕಿನೆಡೆಗೆ ಸಾಗೋಣ ಎಂಬ ಸಂದೇಶ ನೀಡಲಾಗುತ್ತದೆ. ಚೈತ್ರಮಾಸದಲ್ಲೂ ದೇವಿ ಆರಾಧನೆ ಉಂಟು. ದೇವಿಯನ್ನು ದೀಪಗಳ ಮೂಲಕ ಆರಾಧಿಸುವ ವಿಶಿಷ್ಟ ಪದ್ಧತಿ ಮುಂಚಿನಿಂದಲೂ ಇದೆ. ಆಧ್ಯಾತ್ಮಿಕ ಸಾಧನಾಕ್ರಮದಲ್ಲೂ ಬೆಳಕಿಗೆ ಪರಮೋಚ್ಚ ಸ್ಥಾನ. ಅಷ್ಟಚಕ್ರಗಳ ಸಾಧನೆ ರ್ಪೂಣಗೊಂಡ ಸಾಧಕನಿಗೆ ಅಂತಿಮವಾಗಿ ಗೋಚರಿಸುವುದು ತಿಳಿಯಾದ ಬೆಳಕು ಮತ್ತು ಅದುವೇ ಅಂತಿಮ ಸತ್ಯ!
