‘ನಾನು ನ್ಯೂಯಾರ್ಕ್ನಲ್ಲಿ ಸಂಯುಕ್ತ ರಾಷ್ಟ್ರ ಸಂಘಟನೆಯಲ್ಲಿ ಸಲಹೆಗಾರನಾಗಿ ಕೆಲಸ ಮಾಡುತ್ತಿದ್ದೇನೆ, ಈಗಷ್ಟೇ ದೆಹಲಿಗೆ ಬಂದಿದ್ದೇನೆ, ನಿನಗೆ ನಾನು ಸಹಾಯ ಮಾಡಲು ಸಿದ್ಧ’ ಎಂದು ಅವಳಿಗೆ ಸಂದೇಶ ಕಳಿಸಿದೆ. ನನ್ನ ಮಾತನ್ನು ನಂಬಿದ ಅವಳು ನನ್ನನ್ನು ಭೇಟಿಯಾದಳು. ಅವಳಿಗೆ ಕೆಲಸ ಕೊಡಿಸುವುದಾಗಿ ನಂಬಿಸಿ ಪ್ರತಿದಿನವೂ ಅವಳನ್ನು ಭೇಟಿ ಮಾಡತೊಡಗಿದೆ. ಕೆಲವು ದಿನಗಳ ನಂತರ ನನಗೆ ಅವಳ ಮೇಲೆ ಪ್ರೀತಿ ಮೂಡಿತು. ‘ನಾನು ಭಾರತದಲ್ಲಿರುವವರೆಗೂ ನೀನು ನನ್ನ ಜತೆಯಲ್ಲಿಯೇ ಇರು’ ಎಂದು ಅವಳಿಗೆ ಕೇಳಿಕೊಂಡೆ. ಆಕೆ ಒಪ್ಪಿದಳು. ಒಂದು ವಾರದ ನಂತರ ಅವಳನ್ನು ಭೋಪಾಲ್ನ ಮನೆಗೆ ಕರೆದುಕೊಂಡು ಬಂದೆ. ಅಲ್ಲಿಯೇ ನಾವಿಬ್ಬರೂ ಇರಲಾರಂಭಿಸಿದೆವು. ನಮ್ಮಿಬ್ಬರ ಮಧ್ಯೆ ದೈಹಿಕ ಸಂಬಂಧವೂ ಏರ್ಪಟ್ಟಿತು. ಭೋಪಾಲ್ನಿಂದ ನಾವು ಬಂಕೂರಾ ಎನ್ನುವ ಊರಿನಲ್ಲಿದ್ದ ಆಕಾಂಕ್ಷಾಳ ಮನೆಗೆ ಹೋದೆವು.
