ಸಾಮಾನ್ಯವಾಗಿ ನಾವೆಲ್ಲ ಬೆಳಗ್ಗೆ ಎದ್ದ ಕೂಡಲೇ ಹಲ್ಲುಜ್ಜುತ್ತೇವೆ, ಭಾರತದಲ್ಲಿ ಪೇಸ್ಟ್ ಅಂದರೆ ಕೋಲ್ಗೇಟ್. ಇದನ್ನು ತಯಾರಿಸುವ ಕಂಪನಿ ‘ಕೋಲ್ಗೇಟ್ ಪಾಮಲಿವ್’. ನಂತರ ಟೀ-ಕಾಫಿ ಕುಡಿಯುತ್ತೇವೆ. ಇದಕ್ಕೆ ‘ಟಾಟಾ ಕಾಫಿ’ ಅಥವಾ ‘ಟಾಟಾ ಕನ್ಸೂಮರ್ ಪ್ರಾಡಕ್ಟ್ಸ್’ ಕಂಪನಿಯ ಷೇರುಗಳಿವೆ. ಟೀ ಜತೆ ಬಿಸ್ಕತ್ತು ತಿನ್ನುತ್ತೇವೆ. ಇದಕ್ಕಾಗಿಯೇ ಇದೆ ‘ಬ್ರಿಟಾನಿಯಾ’ ಕಂಪನಿ, ಸ್ನಾನಕ್ಕೆ ಸಾಬೂನು, ಶಾಂಪೂ ಬೇಕೇ ಬೇಕು- ‘ಹಿಂದುಸ್ತಾನ್ ಲಿವರ್ ಲಿಮಿಟೆಡ್’. ನಂತರ ಕೆಲಸಕ್ಕೆ ಹೋಗಲು ರೆಡಿಯಾಗಬೇಕು, ಉತ್ತಮ ಬಟ್ಟೆಗಾಗಿ ಇದೆ ‘ರೇಮಂಡ್ಸ್’. ಕೈಗೆ ‘ಟೈಟನ್’ ವಾಚ್ ಬೇಕು. ಇಷ್ಟೆಲ್ಲ ರೆಡಿಯಾದ ಮೇಲೆ ‘ಬಾಟಾ’ ಶೂ ಧರಿಸದಿದ್ದರೆ ಹೇಗೆ? ಆಫೀಸ್ಗೆ ಹೋಗಲು ‘ಟಾಟಾ ಮೋಟರ್ಸ್’ ಇಲ್ಲವೇ ‘ಮಾರುತಿ’ ಕಂಪನಿಯ ಕಾರುಗಳಿವೆ. ಪೆಟ್ರೋಲ್, ಡಿಸೇಲ್ ಕಾರಿದ್ದರೆ ‘ಒಎನ್ಜಿಸಿ’, ಸಿಎನ್ಜಿ ಕಾರಾದರೆ ‘ಐಜಿಎಲ್’ ಇದೆ. ಪೆಟ್ರೋಲ್ ಹಾಕಿಸಲು ‘ಎಚ್ಡಿಎಫ್ಸಿ’, ‘ಐಸಿಐಸಿಐ’, ‘ಎಸ್ಬಿಐ’ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ಗಳಿವೆ. ಆಫೀಸಿಗೆ ಹೋದರೆ ಸೆಕೆ ತಡೆಯಲಾಗದೆ ಎಸಿ ಆನ್ ಮಾಡುತ್ತೇವೆ- ‘ವೋಲ್ಟಾಸ್’. ಯಾರಿಗೋ ಅರ್ಜಂಟ್ ಕಾಲ್ ಮಾಡಬೇಕು - ‘ಏರ್ಟೆಲ್’. ಹೊಸ ಮೊಬೈಲ್ ಫೋನ್ ಪಡೆಯುವುದಾದರೆ ಇನ್ಸ್ಟಾಲ್ವೆುಂಟ್ಗೆ - ‘ಬಜಾಜ್ ಫೈನಾನ್ಸ್’ ಇದೆ. ಮನೆ ಕಟ್ಟಲು ಬಹುತೇಕರು ಸಾಲ ಮಾಡಿಯೇ ಮಾಡುತ್ತಾರೆ. ಇದಕ್ಕಾಗಿಯೇ ಇರುವುದರಲ್ಲಿ ಒಂದು ‘ಎಚ್ಡಿಎಫ್ಸಿ’. ಸಂಜೆ ಮನೆಗೆ ಬಂದಾಗ ಮ್ಯಾಗಿ ತಿನ್ನಬೇಕು ಅನ್ನಿಸಿದರೆ -‘ನೆಸ್ಲೆ’. ಮನೆಗೆ ದಿನಬಳಕೆಯ ವಸ್ತು ಖರೀದಿಸಬೇಕೆಂದರೆ ‘ರಿಲಯನ್ಸ್’, ‘ಡಿಮಾರ್ಟ್’ ಮಳಿಗೆಗಳಿವೆ. ಇವು ಕೆಲವು ಉದಾಹರಣೆ ಮಾತ್ರ. ಷೇರು ಮಾರುಕಟ್ಟೆ ಕೇವಲ ಚಾಣಾಕ್ಷರಿಗೆ ಮಾತ್ರವಲ್ಲ. ನಿತ್ಯ ಜೀವನದಲ್ಲಿ ನಮ್ಮ ಸುತ್ತಮುತ್ತಲಿನ ಆಗುಹೋಗುಗಳನ್ನು ಗಮನಿಸಿದರೆ ಸಾಕು. ಯಾವ ಸ್ಟಾಕ್ನಲ್ಲಿ ಹಣ ಹೂಡಬೇಕು ಎಂಬುದು ತಿಳಿಯುತ್ತದೆ. ನಿಯಮಿತವಾದ ಹೂಡಿಕೆಯನ್ನು ದೀರ್ಘಾವಧಿವರೆಗೆ ಮಾಡಿದರೆ ಮಾರುಕಟ್ಟೆಯ ಏರಿಳಿತಗಳು ಬಾಧಿಸುವುದಿಲ್ಲ ಎನ್ನುತ್ತಾರೆ ತಜ್ಞರು.
