‘ದೈವಪ್ರಜ್ಞೆಯಲ್ಲಿ ನಿರತರಾದವರಿಗೆ, ಹವಿಸ್ಸು ಬ್ರಹ್ಮ, ಅರ್ಪಣೆಯೂ ಬ್ರಹ್ಮ, ಅರ್ಪಿಸಲು ಉಪಯೋಗಿಸುವ ಸಾಧನವೂ ಬ್ರಹ್ಮ, ಅರ್ಪಣೆಯನ್ನು ಸ್ವೀಕರಿಸುವ ಅಗ್ನಿಯೂ ಬ್ರಹ್ಮನೇ ಆಗಿರುತ್ತಾನೆ. ಇಂತಹ ಯಜ್ಞದಿಂದ ನಮಗೆ ಬ್ರಹ್ಮ ಪ್ರಾಪ್ತಿಯಾಗುತ್ತದೆ’. ನಾವು ಸೇವಿಸುವ ಆಹಾರವು ನಮ್ಮ ಅಂತರಂಗದಲ್ಲಿರುವ ಭಗವಂತನಿಗೆ ನಾವು ಅರ್ಪಿಸುವ ನೈವೇದ್ಯವಾಗಿದೆ. ಇಂತಹ ನೈವೇದ್ಯವು ಪರಿಶುದ್ಧವಾಗಿಯೂ, ಪವಿತ್ರವಾಗಿಯೂ ಇರಬೇಕಲ್ಲವೇ? ಭಗವಾನ್ ಶ್ರೀಸತ್ಯಸಾಯಿ ಬಾಬಾರವರು ಆಹಾರ ತಯಾರಿಸುವಾಗ ನಾವು ಗಮನಿಸಬೇಕಾದ ಮೂರು ಶುದ್ಧಿಗಳ ಬಗ್ಗೆ ಹೇಳುತ್ತಿದ್ದರು- ಪಾಕಶುದ್ಧಿ, ಪಾತ್ರಶುದ್ಧಿ ಹಾಗೂ ಪದಾರ್ಥಶುದ್ಧಿ. ಪಾಕಶುದ್ಧಿಯೆಂದರೆ ಆಹಾರ ತಯಾರಿಸುವ ಪರಿಸರದ ಸ್ವಚ್ಛತೆ, ಅಡುಗೆ ಮಾಡುವವರ ದೈಹಿಕ ಮತ್ತು ಮಾನಸಿಕ ಶುದ್ಧತೆಯನ್ನು ಕಾಪಾಡಿಕೊಳ್ಳುವುದಾಗಿದೆ. ಪಾತ್ರಶುದ್ಧಿಯೆಂದರೆ ಆಹಾರ ತಯಾರಿಸಲು ಉಪಯೋಗಿಸುವ ಪಾತ್ರೆ-ಪಗಡೆಗಳ ಪರಿಶುದ್ಧತೆಯಾಗಿದೆ. ಆಹಾರ ತಯಾರಿಕೆಗೆ ಬೇಕಾಗುವ ಸಾಮಗ್ರಿಗಳನ್ನು, ಧರ್ಮ ಯುತವಾಗಿ ಹಾಗೂ ಅಹಿಂಸಾತ್ಮಕವಾಗಿ ಸಂಗ್ರಹಿಸುವುದೇ ಪದಾರ್ಥಶುದ್ಧಿಯಾಗಿದೆ. ನಮ್ಮ ಉದರದಲ್ಲಿ ಜಠರಾಗ್ನಿಯಾಗಿ ನೆಲೆಸಿರುವ ಭಗವಂತನಿಗೆ, ನಾವು ಸೇವಿಸುವ ಆಹಾರವನ್ನು ನೈವೇದ್ಯವಾಗಿ
