ತೇಜಸ್ವಿಯವರ ಕೃತಿಗಳು ಹಾಗೂ ವಿಚಾರ ಮಂಥನಗಳಲಿ ್ಲಟ್ಟೂ ಬಿಡದೇ ಅವಿನಾಭಾವವಾಗಿ ಕಾಣಿಸಿಕೊಳ್ಳುತ್ತಿದ್ದ ಪ್ರಕೃತಿ, ಗ್ರಾಮೀಣ ಬದುಕು, ಸಾಹಸ ಶೀಲತೆ, ವಿಸ್ಮಯಗೊಳಿಸುವ ಸರಳ ವಿಜ್ಞಾನ, ಐತಿಹಾಸಿಕ ಸತ್ಯಗಳು, ಜೀವಜಗತ್ತಿನ ಕೌತುಕಗಳು, ಮಲೆನಾಡಿನ ಕಾಡಿನ ನಿಗೂಢತೆ, ಪ್ರಾಚೀನ ನಾಗರಿಕತೆಗಳು, ಬೆಚ್ಚಿಬೇಳಿಸುವ ಅಂತರಿಕ್ಷದ ವಿದ್ಯಮಾನಗಳು, ಚಕಿತಗೊಳಿಸುವ ಜೀವ ವೈವಿಧ್ಯಗಳ ಅದ್ಭುತ ಅನಾವರಣ, ಜಗತ್ತಿನ ದಿಕ್ಕನ್ನೇ ಬದಲಿಸಿದ ಆವಿಷ್ಕಾರಗಳು, ದುರಂತಗಳು, ಮಹಾಯುದ್ಧಗಳು, ಹೀಗೆ ಕೈಯ್ಯಾಡಿಸದ ಕ್ಷೇತ್ರವೇ ಇಲ್ಲವೇನೋ ಎಂಬಂತೆ ತೇಜಸ್ವಿಯವರು ಬಿಡುವಿಲ್ಲದೇ ಸಾಹಿತ್ಯಿಕವಾಗಿ ದುಡಿದಿದ್ದಾರೆ. ರಂಗಭೂಮಿ ಚಟುವಟಿಕೆ, ಪರಿಸರ ಸಂಬಂಧಿ ಹೋರಾಟಗಳು, ಕನ್ನಡ ಭಾಷೆಯ ಗಣಕೀಕರಣದ ಸಾಧ್ಯತೆ, ಇ-ಗವರ್ನೆನ್ಸ್, ವಿಶೇಷವಾಗಿ ವಿದ್ಯಾರ್ಥಿ ಯುವಜನರ ಮತ್ತು ಮಕ್ಕಳ ಜ್ಞಾನವರ್ಧನೆಗೆ ತೇಜಸ್ವಿಯವರು ನೀಡಿದ ಮನ್ನಣೆಯನ್ನು ಮುಂದು ವರೆಸಿಕೊಂಡು ಹೋಗುವ ಕವಲುದಾರಿಯಲ್ಲಿ ನಾವಿಂದು ನಿಂತಿದ್ದೇವೆ.
