ಮಂಡಿ ನೋವಿಗೆ ಮನೆಯಲ್ಲಿಯೇ ಮಾಡಿಕೊಳ್ಳಬಹುದಾದ ಪರಿಹಾರ ಏನಿದೆ?

ಉತ್ತರ: ನೀವು ಪ್ರತಿದಿನ ಎಳ್ಳೆಣ್ಣೆಯಲ್ಲಿ ಕರ್ಪೂರ ಬೆರೆಸಿ ಬಿಸಿ ಮಾಡಿ ಮಂಡಿಯ ಭಾಗಕ್ಕೆ ಹಚ್ಚಿ ಮಸಾಜ್ ಮಾಡಿ ಒಂದು ಗಂಟೆ ಬಿಟ್ಟು ಬಿಸಿನೀರು ಹಾಕಿಕೊಳ್ಳಿ.

ಮಹಾಯೋಗರಾಜ ಗುಗ್ಗುಳು ಮಾತ್ರೆಯನ್ನು ದಿನಕ್ಕೆ ಮೂರು ಬಾರಿ ಎರಡು ಮಾತ್ರೆಯಂತೆ ಊಟದ ನಂತರ ಸೇವಿಸಿ. ನೀವು ಬಗ್ಗೆ ಕೆಲಸ ಮಾಡುವುದು, ಕೆಳಗೆ ಕುಳಿತುಕೊಳ್ಳುವುದನ್ನು ಸದ್ಯ ಮಾಡಬೇಡಿ.

ಅಲ್ಲದೆ, ಮಲ ವಿಸರ್ಜನೆಗೆ ಕಮೋಡ್ ಬಳಸುವುದು ಒಳ್ಳೆಯದು. ಒಮ್ಮೆ ಹತ್ತಿರದ ಆಯುರ್ವೇದ ಆಸ್ಪತ್ರೆಗೆ ಹೋಗಿ ಕಟಿಬಸ್ತಿ ಚಿಕಿತ್ಸೆಯನ್ನು ಒಂದು ವಾರ ಕಾಲ ಪಡೆಯುವುದು ಉತ್ತಮ. ಅಲ್ಲದೆ, ಒಮ್ಮೆ ತೂಕ ಕಡಿಮೆ ಮಾಡಿಕೊಳ್ಳಲು ಕರಿದ ಪದಾರ್ಥ, ಸಿಹಿ ಸೇವನೆ ವರ್ಜಿಸಿ. ರಾತ್ರಿ ಮಿತಪ್ರಮಾಣದ ಆಹಾರ ಸೇವನೆ ಇರಲಿ. ರಾತ್ರಿ ಮಲಗುವ ಸಮಯದಲ್ಲಿ ಒಂದು ಲೋಟ ಬಿಸಿನೀರು ಕುಡಿಯುವುದನ್ನು ರೂಢಿಸಿಕೊಳ್ಳಿ.

https://www.vijayavani.net/s-aptha-09-12/

https://www.vijayavani.net/s-aptha-06-12/