ಅಲಿನ್ ಹಾರ್ಪ್ನ ಪ್ರಕಟಣೆ ಸಂದರ್ಭದಲ್ಲಿ ಮಹಾಕಾವ್ಯ ಅನುವಾದಿಸುವ ಸಂದರ್ಭ, ರಸೋ ವೈಸಃದ ಸಂಸ್ಕೃತ ಅನುವಾದದ ಪರಿಶೀಲನೆ ಸಮಯದಲ್ಲಿ ಕುವೆಂಪು ಅವರೊಡನೆ ಬಹುಮಟ್ಟಿಗೆ ನಿತ್ಯವೂ ಕಲೆತು ರ್ಚಚಿಸುವ ಸುಯೋಗ ನನ್ನದಾಗಿತ್ತು. ಪಿಎಚ್.ಡಿ ಸಂಶೋಧನೆ ಮಾರ್ಗದರ್ಶನ ಸಂದರ್ಭದಲ್ಲಿಯೂ ಅನೇಕ ಭೇಟಿ, ಚರ್ಚೆ ನನ್ನನ್ನು ಕುವೆಂಪು ಅವರೊಂದಿಗೆ ಇನ್ನಷ್ಟು ನಿಕಟವರ್ತಿಯನ್ನಾಗಿಸಿತು. ಬಹುತೇಕ ಸಾಹಿತಿಗಳು ಒಂದು ಪ್ರಕಾರದ ಬರವಣಿಗೆಗೆ ಸೀಮಿತವಾಗಿರುತ್ತಾರೆ. ಆದರೆ, ಕುವೆಂಪು ಕತೆ, ಕಾದಂಬರಿ, ಕಾವ್ಯ, ಮಹಾಕಾವ್ಯ, ಜೀವನ ಚರಿತ್ರೆ, ಪುರಾಣ, ನಾಟಕ, ಮಕ್ಕಳ ಸಾಹಿತ್ಯ, ಕಾವ್ಯ ಮೀಮಾಂಸೆ, ಕ್ರಾಂತಿಗೀತೆ, ವಿಮರ್ಶೆ, ಪ್ರಬಂಧ, ಅಧ್ಯಾತ್ಮ ಸೇರಿದಂತೆ ಎಲ್ಲ ಪ್ರಕಾರದ ಬರವಣಿಗೆಯಲ್ಲಿಯೂ ತೊಡಗಿಸಿಕೊಂಡಿದ್ದರು.
