ಮೇಲಿನ ತುದಿಯವರೆಗೆ ಕಿ.ಮೀ.ನಷ್ಟು ನಡೆಯಬೇಕಿದ್ದರೂ ಮಾಲಿನ್ಯದ ಕಾರಣ ವಾಹನ ಸಂಚಾರ ನಿಷೇಧಿಸಲಾಗಿದ್ದು, ನಡೆದೇ ತಲುಪಿ, ಬರಲು ಕನಿಷ್ಠ ಮೂರ್ನಾಲ್ಕು ಗಂಟೆ ಇರಿಸಿಕೊಂಡರೆ ಉತ್ತಮ. ಪಕ್ಕದಲ್ಲೆ ಹಾರಾಡಿಸುವ ಹಾಟ್ ಏರ್ಬಲೂನ್ ಕೂಡ ಪಮ್ಮುಕಲೆಯ ನೆತ್ತಿಯ ಮೇಲೆ ಹಾರುವಂತಿಲ್ಲ. ಇನ್ನೂರು ಚಿಲ್ರೆ ಟರ್ಕೀಶ್ ಲಿರಾ ಲೆಕ್ಕದಲ್ಲಿ ಪ್ರವೇಶ ದರ, ಅಂದರೆ ಸುಮಾರು ಎಂಟನೂರು ಚಿಲ್ರೆ ರೂಪಾಯಿ ಮುಖಬೆಲೆ ಟಿಕೆಟ್ ಪಡೆದು ಗೇಟು ದಾಟಿದರೆ, ಅಚ್ಚುಕಟ್ಟಾಗಿ ಕಾಲು ತೊಳೆದುಕೊಂಡು, ಶೂ ಬಿಚ್ಚಿಟ್ಟು ಹೋಗುವ ವ್ಯವಸ್ಥೆಗೆ ತಕ್ಕ ಸೆಕ್ಯೂರಿಟಿ ಕೂಡ ಇದ್ದು, ವಾಹನಕ್ಕಿಂತ ಹೆಚ್ಚು ದರ ಕೆಲವೊಮ್ಮೆ ಪ್ರವೇಶ ದರಕ್ಕೇ ತೆತ್ತಿರುವುದೂ ಇದೆ. ಹಾಗಂತ ಅಲ್ಲಿವರೆಗೆ ಹೋಗಿ ಇದೆಲ್ಲ ನೋಡದೆ, ಇಣುಕದೆ ಬರುವುದಾದರೂ ಹೇಗೆ?
