ಲಾಭದಾಯಕ ಟೆರಾಕೋಟ ಜುವೆಲ್ಲರಿ ಮೇಕಿಂಗ್!: ಪ್ರಸ್ತುತ ಚಿನ್ನ, ಬೆಳ್ಳಿ ಆಭರಣಗಳು ಹೇಗೆ ಬೇಡಿಕೆ ಪಡೆದುಕೊಳ್ಳುತ್ತಿವೆಯೋ ಹಾಗೇಯೇ ಟೆರಾಕೋಟ ಜುವೆಲ್ಲರಿಗಳು ಸಹ ಬೇಡಿಕೆಯಲ್ಲಿ ಹಿಂದೆ ಬಿದ್ದಿಲ್ಲ. ಮಣ್ಣಿನಿಂದ ಜುಮ್ಕಿ, ಸರ, ಬ್ರೖೆಸ್ ಲೇಟ್, ನೆಕ್ಲೇಸ್ ಹೀಗೆ ನಾನಾ ರೀತಿಯ ಆಭರಣ ತಯಾರಿಸಲು ಸಾಧ್ಯ. ಕೇವಲ 3 ಸಾವಿರ ರೂ. ನಿಮ್ಮ ಬಳಿ ಇದ್ದರೆ ಅದರಲ್ಲಿಯೇ ಈ ಉದ್ಯಮ ಆರಂಭಿಸಿ ನೀವು ಅದಕ್ಕೆ 3 ಪಟ್ಟು ಅಂದರೇ 10-12 ಸಾವಿರ ರೂ. ಸಂಪಾದನೆ ಮಾಡಬಹುದು. ಇದರ ಆದಾಯದ ಲೆಕ್ಕಚಾರ, ತಯಾರಿಸುವಂತಹ ಆಭರಣಗಳ ವಿನ್ಯಾಸ, ಶ್ರಮ ಮತ್ತು ತಯಾರಿಸಲು ತೆಗೆದುಕೊಂಡ ಸಮಯದ ಮೇಲೆ ನಿಗದಿಯಾಗಿರುತ್ತೆ. ಉದಾಹರಣೆಗೆ ಒಮ್ಮೆ ನೀವು ಕೇವಲ 3-4 ಸರವನ್ನು ಮಾಡಿದರೆ ಸರಗಳು ಸಂಪೂರ್ಣವಾಗಿ ಸಿದ್ಧವಾಗುವುದಕ್ಕೆ 1 ವಾರ ಸಮಯ ತೆಗೆದುಕೊಳ್ಳುತ್ತೆ. ಬಳಿಕ ಅದನ್ನು ಮಾರಾಟ ಮಾಡಿದ್ರೆ 1 ಸರದ ಬೆಲೆ 3000 ರೂ. ಆದರೂ ಒಂದು ವಾರದಲ್ಲಿಯೇ ನೀವು 10-12 ಸಾವಿರ ರೂ. ಆದಾಯ ಗಳಿಸುವುದಕ್ಕೆ ಸಾಧ್ಯ.
