ಮಲ್ಟಿ ಕಲ್ಚರ್, ಮಲ್ಟಿ ಬ್ರೀಡ್ನಲ್ಲಿ ಆದಾಯ: ಒಳನಾಡು ಮೀನು ಕೃಷಿಯಲ್ಲಿ ಸಾಮಾನ್ಯವಾಗಿ 3 ಪದ್ಧತಿಗಳನ್ನು ಕಾಣಬಹುದು. ನ್ಯಾಚುರಲ್ ಹೊಂಡ, ಬಯೋಪ್ಲಾಕ್ ಮತ್ತು ಆರ್ಎಎಸ್ ಪದ್ಧತಿಯಲ್ಲಿ ವಿವಿಧ ತಳಿಯ ಮೀನುಗಳನ್ನು ಸಾಕಣೆ ಮಾಡಿ ಆದಾಯ ಗಳಿಸಬಹುದು. ಉದಾಹರಣೆಗೆ: ಕೇವಲ 2 ಎಕರೆ ಪ್ರದೇಶದಲ್ಲಿ ನ್ಯಾಚುರಲ್ ಹೊಂಡದ ಜತೆಗೆ ಬಯೋಪ್ಲಾಕ್ ಪದ್ಧತಿಯಲ್ಲಿ ಟಿಲಾಪಿಯಾ 10 ಸಾವಿರ, ರೂಪ್ಚಂದ್ 10 ಸಾವಿರ ಮತ್ತು ಮುರೆಲ್ 5000 ಸಾಕಿದರೆ ಎಷ್ಟು ಆದಾಯ ಪಡೆಯಬಹುದು ಗೊತ್ತಾ? ಮುರೆಲ್ ತಳಿ - 5000 ಮೀನಿಗೆ 8 ತಿಂಗಳಿಗೆ 4 ಟನ್ ಇಳುವರಿ, ಪ್ರತಿ ಕೆ.ಜಿಗೆ 300 ರೂ. ನಂತೆ ಆದಾಯ 12 ಲಕ್ಷ ರೂ. ಇದರಲ್ಲಿ ಎಲ್ಲ ಖರ್ಚು ಶೇ.50 ತೆೆಗೆದರೂ 6 ಲಕ್ಷ ರೂ. ಲಾಭ. ಇನ್ನು ಇವುಗಳ ಜತೆಗೆ ರೂಪ್ಚಂದ್ ಸಾಕಣೆ ಮಾಡಿದರೆ 10000 ಮೀನಿಗೆ 8 ಟನ್ ಇಳುವರಿ ದೊರೆಯುತ್ತದೆ. ಪ್ರತಿ ಕೆ.ಜಿ ಮೀನು 150 ರೂ.ನಂತೆ ಮಾರಾಟವಾದರೂ 8 ತಿಂಗಳಿಗೆ 12 ಲಕ್ಷ ರೂ. ಆದಾಯ. ಇಲ್ಲಿ ಮೀನು ಹೆಚ್ಚು ಇರುವುದರಿಂದ ಖರ್ಚು 8 ಲಕ್ಷ ರೂ. ಕಳೆದರೂ 4 ಲಕ್ಷ ರೂ. ಲಾಭ. ಟಿಲಾಪಿಯಾ ನಿಮಗೆ 4 ರಿಂದ 6 ತಿಂಗಳಿಗೆ ಇಳುವರಿ ಬರುತ್ತದೆ. ಇದನ್ನು 10 ಸಾವಿರ ಸಾಕಿದರೆ ಕೇವಲ 6 ತಿಂಗಳಿಗೆ ಪ್ರತಿ ಕೆ.ಜಿಗೆ 120ರೂ.ನಂತೆ ಮಾರಾಟ ವಾದರೂ 2 ಟನ್ ಇಳುವರಿಗೆ 2.2 ಲಕ್ಷ ರೂ. ಆದಾಯ, ಇದರಲ್ಲಿಯೂ ಶೇ. 50 ಖರ್ಚು ತೆಗೆದರೂ 1.1 ಲಕ್ಷ ರೂ. ಲಾಭ ಸಿಗಲಿದೆ. ಹಾಗಾದರೆ ಮಲ್ಟಿ ಕಲ್ಚರ್, ಮೀನು ಕೃಷಿ ಬಗ್ಗೆ ಯಾರು ಹೇಳಿ ಕೊಡುತ್ತಾರೆ?.
