ಯಾವಾಗಲೂ ಅಗತ್ಯ ಮಾನಸಿಕ ಆರೋಗ್ಯ

ನಾವೆಲ್ಲರೂ ನಮ್ಮ ದೈಹಿಕ ಸಾಮರ್ಥ್ಯ, ಆರೋಗ್ಯ, ಪೋಷಣೆಯ ಬಗ್ಗೆ ಮಾತನಾಡುತ್ತೇವೆ. ಆದರೆ ಮಾನಸಿಕ ಆರೋಗ್ಯದ ಬಗ್ಗೆ ಮಾತನಾಡುವುದಿಲ್ಲ. ಒತ್ತಡ, ಆತಂಕ, ಪ್ಯಾನಿಕ್ ಅಟ್ಯಾಕ್, ಕಾರಣವಿಲ್ಲದೆ ದುಃಖಿತರಾಗುವುದು, ದಿನನಿತ್ಯದ ಚಟುವಟಿಕೆ ಮಾಡಲು ಸಾಧ್ಯವಾಗದಿರುವುದು ಅಥವಾ ಕಷ್ಟವಾಗುವುದು, ಅತಿಯಾಗಿ ಯೋಚಿಸುವುದು ಸಹ ಮಾನಸಿಕ ಆರೋಗ್ಯ ಸಮಸ್ಯೆಗಳ ಸಂಕೇತ. ಹೌದು, ಮಾನಸಿಕ ಆರೋಗ್ಯವು ನಾವು ಹೇಗೆ ಯೋಚಿಸುತ್ತೇವೆ, ಭಾವಿಸುತ್ತೇವೆ, ವರ್ತಿಸುತ್ತೇವೆ ಅಥವಾ ಒತ್ತಡವನ್ನು ಹೇಗೆ ನಿಭಾಯಿಸುತ್ತೇವೆ ಎಂಬುದನ್ನು ನಿರ್ಧರಿಸಲು ಸಹಾಯ ಮಾಡುತ್ತದೆ. ಒಂದು ವೇಳೆ ಮಾನಸಿಕ ಆರೋಗ್ಯ ಸರಿಯಿಲ್ಲದಿದ್ದರೆ ಜೀವನದಲ್ಲಿ ವಿವಿಧ ಸಂದರ್ಭಗಳು ಮತ್ತು ಸಮಸ್ಯೆಗಳು ಬಂದಾಗ ಅದನ್ನು ಎದರಿಸುವ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರಬಹುದು.

ಉದಾಹರಣೆಗೆ ಮಗುವು ಬೆಳೆಯುತ್ತಿರುವಾಗ ದೈಹಿಕ ಆಕ್ರಮಣ, ಭಾವನಾತ್ಮಕ ನಿಂದನೆ, ಪಾಲಕರು ಅಥವಾ ಸಮಾಜದ ನಿರ್ಲಕ್ಷ್ಯವನ್ನು ಸರಿಯಾದ ಸಮಯದಲ್ಲಿ ಗಮನಹರಿಸದಿದ್ದರೆ ತೀವ್ರ ಮಾನಸಿಕತೆಗೆ ಕಾರಣವಾಗಬಹುದು. ನಿಂದನೆಯು ಖಿನ್ನತೆ, ಆತಂಕ, ಸ್ಟ್ರೆಸ್ ಮಾನಸಿಕ ಅಸ್ವಸ್ಥತೆಗಳನ್ನು ಹೆಚ್ಚು ಮಾಡಬಹುದು . ಜೀನ್​ಗಳು ಅಥವಾ ಮೆದುಳಿನ ರಸಾಯನಶಾಸ್ತ್ರ, ಕುಟುಂಬದ ಇತಿಹಾಸ ಕೂಡ ಆರೋಗ್ಯದ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಬೇರೆಯವರನ್ನು ದೂಷಿಸುವುದಲ್ಲ: ನಮ್ಮ ಮಾನಸಿಕ ಆರೋಗ್ಯ ಸಮಸ್ಯೆಗೆ ಜೀವನದಲ್ಲಿ ಬರುವ ಕಠಿಣ ಪರಿಸ್ಥಿತಿಗಳು ಅಥವಾ ಬೇರೆಯವರನ್ನು ದೂಷಿಸುವದು ತರವಲ್ಲ. ಮಾನಸಿಕ ಆರೋಗ್ಯದ ಸಂಪೂರ್ಣ ಜವಾಬ್ದಾರಿ ನಮ್ಮದಾಗಿರುತ್ತದೆ.

ಮಾನಸಿಕ ಆರೋಗ್ಯದ ಸಮಸ್ಯೆ ಮತ್ತು ಚಿಹ್ನೆಗಳು

• ಆಹಾರ ಪದ್ಧತಿಯಲ್ಲಿ ಬದಲಾವಣೆ (ಹೆಚ್ಚು ಅಥವಾ ಕಡಿಮೆ ತಿನ್ನುವುದು)
• ಶಕ್ತಿ ಇಲ್ಲದಿರುವುದು
• ಒಂಟಿತನ
• ಏಕಾಂತ ಅಥವಾ ಇತರರಿಂದ ದೂರವಾಗುವುದು
• ಹತಾಶೆ, ವೇದನೆ ಮತ್ತು ದುಃಖದ ಭಾವನೆ
• ಆಲ್ಕೋಹಾಲ್, ತಂಬಾಕನ್ನು ಸಾಮಾನ್ಯಕ್ಕಿಂತ ಹೆಚ್ಚು ಸೇವಿಸುವುದು
• ವಿವರಿಸಲಾಗದ ಗೊಂದಲ, ಕೋಪ, ಅಪರಾಧ
• ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಜಗಳ
• ಸ್ವಯಂ-ಹಾನಿ ಅಥವಾ ಇತರರಿಗೆ ಹಾನಿ ಮಾಡುವ ಬಗ್ಗೆ ಯೋಚನೆ
•  ದೈನಂದಿನ ಕಾರ್ಯಗಳನ್ನು ಸುಲಭವಾಗಿ ನಿರ್ವಹಿಸಲು ಸಾಧ್ಯವಾಗದಿರುವುದು
• ಆತಂಕ
•  ಒಸಿಡಿ
•  ಅಸಾಧಾರಣ ಗೊಂದಲ, ಮರೆವು, ಕೋಪ, ಅಸಮಾಧಾನ, ಚಿಂತೆ ಅಥವಾ ಭಯದ ಭಾವನೆ

ಚೆನ್ನಾಗಿದ್ದರೆ ಹೀಗಿರುವಿರಿ

• ಜೀವನದಲ್ಲಿ ಬರುವ ಒತ್ತಡಗಳನ್ನು ಎದುರಿಸುವ ಬಲವಾದ ಸಾಮರ್ಥ್ಯ.
•  ಮಾನಸಿಕ ಸ್ಥಿತಿ ಚೆನ್ನಾಗಿದ್ದರೆ ಕಷ್ಟಗಳು ಬಂದಾಗ ಜೀವನದಲ್ಲಿ ಬರುವ ತೊಂದರೆಗಳನ್ನು ಜಯಿಸಲು ಸುಲಭವಾಗುತ್ತದೆ.
• ಆತ್ಮವಿಶ್ವಾಸವು ಸಾಮಾನ್ಯವಾಗಿ ಆರೋಗ್ಯಕರ ಮಾನಸಿಕ ಸ್ಥಿತಿಯ ಸೂಚಕವಾಗಿದೆ.
• ನಿಮ್ಮ ಸ್ನೇಹಿತರು ಮತ್ತು ಕುಟುಂಬಕ್ಕೆ ಸಮಯ, ಪ್ರೀತಿ ಮತ್ತು ಬೆಂಬಲವನ್ನು ಒದಗಿಸಲು ಹೆಚ್ಚು ಸಮರ್ಥರಾಗಿರಬಹುದು.
• ಮಾನಸಿಕ ಆರೋಗ್ಯ ಚೆನ್ನಾಗಿದ್ದರೆ ಜೀವನದ ಗುಣಮಟ್ಟವೂ ಸುಧಾರಿಸಬಹುದು.

ಕಾಪಾಡಿಕೊಳ್ಳುವುದು ಹೇಗೆ?

ಮಾನಸಿಕ ಆರೋಗ್ಯ ಕಾಪಾಡಿಕೊಳ್ಳುವಾಗ ಜೀವನ ಶೈಲಿಯಲ್ಲಿ ಕೆಲವು ಬದಲಾವಣೆಗಳ ಅಗತ್ಯವಿದೆ.

1. ದಿನನಿತ್ಯ ನಿಯಮಿತ ವ್ಯಾಯಾಮ ಮಾಡುವುದು.

2. ವಿಶ್ರಾಂತಿ ಮತ್ತು ನಿದ್ರೆಗೆ ಒತ್ತು ನೀಡುವುದು

3. ಧ್ಯಾನ ಮತ್ತು ಓದುವ ಹವ್ಯಾಸ

3. ಸ್ವ-ಆರೈಕೆ ಅಭ್ಯಾಸ, ಧ್ಯಾನದಂತಹ ಚಟುವಟಿಕೆಗಳಿಂದ ಒತ್ತಡ ನಿಯಂತ್ರಿಸಬಹುದು

4. ಬಂಧುಬಳಗದ ಜೊತೆ ಸಂಪರ್ಕದಲ್ಲಿರುವುದು

5. ಜೀವನದ ಬಗ್ಗೆ ಸಕಾರಾತ್ಮಕ ದೃಷ್ಟಿಕೋನ ಕಾಪಾಡಿಕೊಳ್ಳುವುದು.

6. ಜೀವನದಲ್ಲಿ ಬರುವ ಕಷ್ಟಗಳನ್ನು ಸ್ಥಿರ ಮನಸ್ಸಿನಿಂದ ಎದುರಿಸುವ ಆತ್ಮವಿಶ್ವಾಸ ಮತ್ತು ಧೈರ್ಯವನ್ನು ಹೊಂದಿರುವುದು.

6. ಕುಟುಂಬ, ಸ್ನೇಹಿತರ ಜೊತೆಗೆ ಸಮಯ ಕಳೆಯುವುದು ಮುಖ್ಯ. ನಿಮಗೆ ಅವರ ಅಗತ್ಯವಿದ್ದರೆ ಅವರ ಸಹಾಯ ಕೇಳುವುದು ತಪ್ಪಲ್ಲ.

7. ಮಾನಸಿಕ ಚಿಕಿತ್ಸೆ ಅಥವಾ ಥೆರಪಿ ನಿಮ್ಮ ನಡವಳಿಕೆಗಳನ್ನು ಮತ್ತು ಮಾನಸಿಕ ಕಷ್ಟಗಳನ್ನು ಪರಿಹರಿಸಲು ಸಹಾಯ ಮಾಡುತ್ತದೆ. ಜೀವನದಲ್ಲಿ ಒಳ್ಳೆಯ ಬದಲಾವಣೆಗಳನ್ನು ತರಲು ಸಹಾಯ ಮಾಡುತ್ತದೆ.

8. ನಮ್ಮ ಮಾನಸಿಕ ಆರೋಗ್ಯವನ್ನು ಸುಧಾರಿಸುವ, ನಿರ್ವಹಿಸುವ ಮೂಲಕ, ಆರೋಗ್ಯಕರ ಮತ್ತು ಅರ್ಥಪೂರ್ಣ ಜೀವನವನ್ನು ನಡೆಸಬಹುದು.

https://www.vijayavani.net/woman-addicted-to-tobacco-gives-birth-to-baby-with-high-nicotine-levels

https://www.vijayavani.net/raj-b-shetty-about-his-cinema-journey