ಏನಿದು ಪೀಪಲ್ ಅನಲಿಟಿಕ್ಸ್?: ಕಂಪನಿ ತನ್ನ ಒಟ್ಟಾರೆ ಕಾರ್ಯಸಾಧನೆ ಮಾಡುವುದಕ್ಕೆ ಯಾವ ರೀತಿ ಮಾನವ ಸಂಪನ್ಮೂಲವನ್ನು ಆಕರ್ಷಿಸುತ್ತದೆ, ನೇಮಕ ಮಾಡುತ್ತದೆ, ಅವರನ್ನು ಹೇಗೆ ಬಳಸಿಕೊಳ್ಳುತ್ತದೆ, ಅವರಿಗೆ ಯಾವ ರೀತಿ ತರಬೇತಿ ನೀಡುತ್ತದೆ ಮತ್ತು ಉಳಿಸಿಕೊಳ್ಳುತ್ತದೆ ಎಂಬಿತ್ಯಾದಿಗಳ ಡೇಟಾವನ್ನು ಸಂಗ್ರಹಿಸುತ್ತದೆ. ಭವಿಷ್ಯದಲ್ಲಿ ವರ್ಕ್ ಫೋರ್ಸ್ಗೆ ಸಂಬಂಧಿಸಿದ ನಿರ್ಣಯವನ್ನು ಕಂಪನಿಯು ತೆಗೆದುಕೊಳ್ಳುವಾಗ ಈ ಡೇಟಾ ಅದಕ್ಕೆ ಬುನಾದಿ ಆಗಿರುತ್ತದೆ. ಎಚ್ಆರ್ ವೃತ್ತಿಪರರು ವಿಶ್ವಾಸಾರ್ಹ ಡೇಟಾ ಬಳಸಿಕೊಂಡು ಸಾಕ್ಷ್ಯಾಧಾರ ಸಹಿತವಾಗಿ ನಿರ್ಧಾರವನ್ನು ತೆಗೆದುಕೊಳ್ಳುವುದು ಸಾಧ್ಯವಾಗುತ್ತದೆ. ಈ ಡೇಟಾದಲ್ಲಿ ಮಾನವ ಸಂಪನ್ಮೂಲದ ಭೌಗೋಳಿಕ ಮತ್ತು ವ್ಯಕ್ತಿಗತ ಮಾಹಿತಿ, ಶೈಕ್ಷಣಿಕ, ಜಾಬ್ ರೋಲ್, ವೇತನ ಮತ್ತು ಸೇವಾ ಸಂಬಂಧಿತ ತರಬೇತಿ, ಸಾಧನೆ ಮುಂತಾದ ಮಾಹಿತಿಗಳಿರುತ್ತವೆ. ಎಚ್ಆರ್ ಅನಲಿಸ್ಟ್ ಪಾತ್ರದಲ್ಲಿ ಕೆಲಸ ಮಾಡುವವರಿಗೆ ಅನಲಿಟಿಕಲ್ ಮೈಂಡ್ ಸೆಟ್ ಇರಬೇಕಾದ್ದು ಅವಶ್ಯ. ಇಲ್ಲಿ ಅವರಿಗೆ ಬೃಹತ್ ಪ್ರಮಾಣದಲ್ಲಿ ಡೇಟಾ ಸಂಗ್ರಹಿಸುವ ಕೆಲಸ, ಅವುಗಳನ್ನು ವಿಶ್ಲೇಷಿಸಿ ಅರ್ಥಪೂರ್ಣವಾದ ಪರಿಹಾರವನ್ನು ಸಹಜವಾಗಿಯೇ ಕಂಡುಕೊಳ್ಳುವುದಕ್ಕೆ ಸಾಧ್ಯವಾಗಬೇಕು. ಪರಿಣತ ಪೀಪಲ್ ಅನಲಿಟಿಕ್ಸ್ ವೃತ್ತಿಪರರು ಲಭ್ಯವಿರುವ ಡೇಟಾವನ್ನು ಬಳಸಿಕೊಂಡು ಸಿಸ್ಟಮ್ ಅನಾಲಿಸಿಸ್ ಮಾಡಿ, ವರ್ಕ್ಫೋರ್ಸ್ನ ಒಟ್ಟಾರೆ ಸಾರವನ್ನು ತಿಳಿದುಕೊಂಡುಬಿಡುತ್ತಾರೆ. ವಿಸõತ ವರದಿಯನ್ನೂ ಕ್ಷಿಪ್ರವಾಗಿ ತಯಾರಿ ಮಾಡಿಕೊಡುತ್ತಾರೆ. ಇದಕ್ಕಾಗಿ ಸಿಸ್ಟಮ್ ಮ್ಯಾನೇಜ್ವೆುಂಟ್ನ ತಿಳಿವಳಿಕೆ ಕೂಡ ಇರಬೇಕಾಗುತ್ತದೆ.
