ಅಂದಿನ ಗುರುಕುಲದಲ್ಲಿ ಶಿಷ್ಯನೊಬ್ಬ ಗುರುಗಳಿಗೆ ತನ್ನ ಸಹವರ್ತಿ ಶಿಷ್ಯನೊಬ್ಬನ ಬಗೆಗೆ, ‘ಗುರುಗಳೇ, ಸತ್ಯನಾರಾಯಣ ಅಂತ ಹೆಸರಿಟ್ಟುಕೊಂಡಿರುವ ಈ ನನ್ನ ಸಹವರ್ತಿ ಬರೀ ಸುಳ್ಳು ಹೇಳುತ್ತಿದ್ದಾನೆ. ಅವನು ಆಡಿದ ಒಂದು ಮಾತನ್ನೂ ನಡೆಸಿಕೊಳ್ಳುತ್ತಿಲ್ಲ’ ಅಂತ ದೂರು ಹೇಳಿದ. ಗುರುಗಳು ಎಲ್ಲ ಶಿಷ್ಯರ ಕಡೆಗೂ ನೋಡಿದಾಗ ಶಿಷ್ಯರು ಈಗ ಅವರು ಸತ್ಯನಾರಾಯಣನಿಗೆ ಬೈಯಬಹುದು ಅನಿಸಿತು. ಗುರುಗಳು, ‘ಸುಳ್ಳು ಹೇಳುವುದು ತಪ್ಪು. ಆದರೇನು ಮಾಡುವುದು ಜನರು ತಮ್ಮ ತಮ್ಮ ಅನುಕೂಲಕ್ಕಾಗಿ ಸುಳ್ಳುಗಳನ್ನು ಹೇಳಿಕೊಂಡೇ ಬರುತ್ತಿದ್ದಾರೆ. ಆದರೆ, ಸತ್ಯನಾರಾಯಣ ಅಂತ ಹೆಸರಿಟ್ಟುಕೊಂಡು ಸುಳ್ಳು ಹೇಳಬಾರದು ಎನ್ನುವುದು ನಿಜವಾದರೂ ಅದು ಸಾಮಾನ್ಯ ಜನರಿಗೆ ಕಷ್ಟ. ಇದೇ ನಮಗೂ ಭಗವಂತನಿಗೂ ಇರುವ ವ್ಯತ್ಯಾಸ’ ಅಂದರು. ಆಗ ಶಿಷ್ಯರಿಗೆ ಹೊಸದೊಂದು ಬೆಳಕು ಕಾಣಲಾರಂಭಿಸಿತು.
