‘ಇಂದು ಪರ್ವದಿನ. ಮೊಳಕೆ, ಎಲೆ, ಹೂವುಗಳನ್ನು ಹಾನಿ ಮಾಡಬಾರದು, ಅದರಲ್ಲಿರುವ ಜೀವಿಗಳಿಗೆ ಘಾಸಿ ಮಾಡಬಾರದು. ಪ್ರಭು, ಹಸಿರು ಮೊಳಕೆಯಲ್ಲಿಯೂ ಸರ್ವ ನಿಗೋದಿಯ ಜೀವವಿದೆ. ಆದ ಕಾರಣ ಅಂಗಳದಲ್ಲಿ ಶೋಭೆಗಾಗಿ ಇಟ್ಟಿರುವ ಮೃದುವಾದ ಹೂವು, ಹಣ್ಣು, ಮೊಳಕೆಗೆ ಹಾನಿ ಮಾಡಬಾರದು. ಅದರಲ್ಲಿರುವ ಹಲವಾರು ಜೀವರಾಶಿಗಳನ್ನು ಕೊಲ್ಲಬಾರದು ಎಂದು ಅಂಗಳದ ಮೇಲೆ ಹೆಜ್ಜೆ ಇಡಲಿಲ್ಲ’ ಎಂದರು. ಇವರ ಸದ್ಗುಣಗಳು ಭರತನ ಮೇಲೆ ಅಪಾರ ಪ್ರಭಾವ ಬೀರಿದವು. ಎರಡನೇ ಪಕ್ಷದ ಯೋಗ್ಯ ಗೃಹಸ್ಥರಿಗೆ ಅಪಾರ ಪ್ರಮಾಣದ ಹಣ, ಐಶ್ವರ್ಯವನ್ನು ದಾನವಾಗಿ ಕೊಟ್ಟ. ಸೂಕ್ಷಾ್ಮಣು ಜೀವಿಗಳಲ್ಲೂ ಪ್ರಾಣವಿದೆ; ಅವುಗಳಿಗೂ ಹಾನಿ ಮಾಡಬಾರದು ಎಂಬುದು ಮಹೋನ್ನತ ಆಲೋಚನೆ. ನಿರ್ಜೀವದಲ್ಲಿಯೂ ಜೀವವಿದೆ ಎಂಬುದನ್ನು ಅರಿತಾಗ ಮಾತ್ರ ಸದ್ಗುಣ ಸಂಪನ್ನರಾಗಲು ಸಾಧ್ಯ. ಹಾನಿ ಮಾಡದವರು ಸರ್ವೇತ್ತಮರಾಗುವರು. ಮನುಷ್ಯ, ಪ್ರಾಣಿಗಳು ಮಾತ್ರ ಜೀವಿಗಳು ಉಳಿದವೆಲ್ಲವೂ ನಮಗೆ ಉಪಯೋಗಿಸಿ ಬಿಸಾಡುವ ವಸ್ತುಗಳು ಎಂಬ ಅಹಂ ಹೊಕ್ಕಿತೋ ಮನುಷ್ಯ ತೃಣಕ್ಕಿಂತ ಕ್ಷೀಣನಾಗುತ್ತಾನೆ ಎಂಬುದು ನಾವೂ ತಿಳಿಯುವ ಜರೂರಿದೆ.
