ಹೀಗಾಗಿ ಮಾತು ಎಂದರೆ ಅದು ಕೆಂಡದ ಮನೆಯಿಂದ ಬರುವ ಹಬೆ. ಅದರಿಂದ ಮೈಯನ್ನು ಬೆಚ್ಚಗೆ ಮಾಡಿಕೊಳ್ಳಲೂ ಬಹದು, ಇಲ್ಲ ಸುಟ್ಟುಕೊಳ್ಳಲೂಬಹುದು. ನಮ್ಮ ಬಾಯಿಂದ ಚೆನ್ನಾದ ಮಾತು ಹೊರಡಬೇಕಾದರೆ ಮನಸ್ಸು ಚೆನ್ನಾಗಿರಬೇಕು. ಇಲ್ಲದಿದ್ದರೆ ಆಡುವ ಒಳ್ಳೆಯ ಮಾತೂ ಒಳಗೇ ಉಳಿದುಹೋಗುತ್ತದೆ. ಹೀಗಾಗಿ ಕಣ್ಣು, ಕಿವಿ, ಬಾಯಿ, ಉಸಿರು, ಮನಸ್ಸು ಇವುಗಳು ಮನುಷ್ಯನಲ್ಲಿರುವ ಅತ್ಯಂತ ಶ್ರೀಮಂತ ಅಂಗಗಳು ಎನ್ನಬಹುದು. ಮನುಷ್ಯನ ಅಳಿವು, ಉಳಿವು, ಗೌರವ ಗಳಿಕೆ, ಮರ್ಯಾದೆ ಅವಮರ್ಯಾದೆ ಇವುಗಳೆಲ್ಲಾ ಲಭಿಸುವುದು ಈ ಅಂಗಗಳ ಬಳಕೆಯಿಂದಲೇ. ಹೀಗಾಗಿ ನಾವು ಈ ಎಲ್ಲ ಅಂಗಗಳನ್ನು ಹೇಗೆ ಬಳಸಬೇಕೆಂಬುದನ್ನು ಚೆನ್ನಾಗಿ ಅರಿತಿರಬೇಕು. ಈ ಅಂಗಗಳನ್ನು ನಮಗೆ ದಯಪಾಲಿಸಿದ ಆ ಕರುಣಾಮಯಿ ಭಗವಂತನೇ ಶ್ರೀಮಾನ್. ಹೀಗಿರುವಾಗ ನಾವು ಭಗವಂತನನ್ನೂ ಸಂಬೋಧಿಸುವಾಗ ಶ್ರೀ ಅಥವಾ ಶ್ರೀಮಾನ್ ಎಂದರೆ ಅದು ಹೆಚ್ಚು ಭಕ್ತಿಪೂರ್ವಕವೇ ಹೊರತು ಅನ್ಯಥಾ ಅಲ್ಲ’ ಎಂದರು ಗುರುಗಳು.
