ಸಂಕೋಲೆಗಳೊಂದಿಗೆ ಬಂಧಿತರಾಗಿರುವುದನ್ನು ಅರಿತುಕೊಂಡಾಗ ಅಲ್ಲಿ ನೋವು, ವೇದನೆ, ಗೊಂದಲಗಳು ಇರುತ್ತವೆ. ಹಳೆಯ ನೆನಪುಗಳು, ‘ನಾನು ಹಿಂದೆಯೇ ಚೆನ್ನಾಗಿದ್ದೆ’ ಎಂದು ಹೇಳುತ್ತವೆ. ಇದು ನಿಮ್ಮ ಮನಸ್ಸಿನ ಸ್ಥಿತಿಯಾಗಿದೆ. ನೀವು ಹೈಸ್ಕೂಲಿನಲ್ಲಿರುವಾಗ, ನಿಮ್ಮ ಮನಸ್ಸು, ‘ಓಹ್! ಶಿಶುವಿಹಾರ ಚೆನ್ನಾಗಿತು’ ಎಂದು ಹೇಳುತ್ತದೆ. ಶಿಶುವಿಹಾರಕ್ಕೆ ಹೇಗೆ ಹೋದಿರೆಂದು ನಿಮಗೆ ತಿಳಿದಿದೆ. ಕಾಲೇಜಿಗೆ ಹೋದಾಗ, ‘ಓಹ್! ನನ್ನ ಹೈಸ್ಕೂಲ್ ದಿನಗಳು ಅದ್ಭುತವಾಗಿತ್ತು’ ಎಂದು ಹೇಳುವಿರಿ. ಆದರೆ ಹೈಸ್ಕೂಲ್ನಲ್ಲಿ ಹೇಗಿದ್ದಿರೆಂಬುದು ನಮಗೆ ತಿಳಿದಿದೆ. ವಿದ್ಯಾಭ್ಯಾಸವು ಮುಗಿದಾಗ, ‘ನನ್ನ ಯೂನಿವರ್ಸಿಟಿ ದಿನಗಳು ಬಲು ಆನಂದದ ದಿನಗಳಾಗಿದ್ದವು’ ಎಂದು ಹೇಳುವಿರಿ. ಅಲ್ಲಿ ನಿಮಗೆ ವಹಿಸಿದ ಕೆಲಸಗಳನ್ನು ಹೇಗೆ ಮಾಡಿದಿರಿ, ಲೈಬ್ರರಿಯಲ್ಲಿ ನಿಮಗೆ ಬೇಕಾದ ಪುಸ್ತಕಗಳಿಗಾಗಿ ಹುಡುಕಾಟ, ನೀವು ಆ ತರಗತಿಗಳಲ್ಲಿ ಕುಳಿತುಕೊಳ್ಳಲು ಹಾಗೂ ಪೊ›ಫೆಸರುಗಳ ಪಾಠವನ್ನು ಕೇಳಲು ಪಟ್ಟಪಾಡು, ಇವನ್ನೆಲ್ಲ ನಾವು ಬಲ್ಲೆವು, ಆದರೆ ಈಗ ಅವೆಲ್ಲ ಮುಗಿದಮೇಲೆ ಆ ದಿನಗಳು ಅದ್ಭುತವಾಗಿದ್ದವು ಎಂದು ಕೊಚ್ಚಿಕೊಳ್ಳುತ್ತಿದ್ದಿರಿ. ಬದುಕುಳಿಯುವ ತಂತ್ರದ ಒಂದು ಭಾಗವಾಗಿ, ನೆನಪಿನ ಶಕ್ತಿ ಕೆಲವು ಅಹಿತಕರ ವಿಷಯಗಳನ್ನು ಅಳಿಸಿಹಾಕುವ ಮತ್ತು ಹಿಂದಿನದನ್ನು ಈಗ ಇರುವುದಕ್ಕಿಂತ ಹೆಚ್ಚು ಆಹ್ಲಾದಕರವಾಗಿಸುವ ವಿಧಾನವನ್ನು ಹೊಂದಿದೆ. ಇದು ಉಳಿವಿನ ಚಾತುರ್ಯವಾಗಿದೆ. ಇಲ್ಲದಿದ್ದಲ್ಲಿ, ಮಾನಸಿಕವಾಗಿ ನರದೌರ್ಬಲ್ಯ ಪೀಡಿತರಾಗುತ್ತಿದ್ದಿರಿ-ಯಾವಾಗಲೂ ಯಾವುದಾದರೊಂದನ್ನು ಅವಲಂಬಿಸಿ, ‘ಓಹ್! ಅದು ಅದ್ಭುತವಾಗಿತ್ತು’ ಎಂದು ಹೇಳುವಿರಿ.
