ಉನ್ನತ ಶಿಕ್ಷಣದ ದೂರದೃಷ್ಟಿ: ನಮ್ಮ ಕಲಿಕಾ ಆಸಕ್ತಿ, ಸಾಮರ್ಥ್ಯದ ಅರಿವು ನಮಗೆ ಇದ್ದೇ ಇರುತ್ತದೆ.ಆದರೆ ಉನ್ನತ ಶಿಕ್ಷಣ ಪಡೆಯುವಾಗ ಮನೆಯಲ್ಲಿ ಹೆಣ್ಣು ಮಕ್ಕಳು ದೂರದ ಊರಿಗೆ ಓದಿಗೆ ತೆರಳುವುದು ಕಷ್ಟ ಎಂಬ ಕಾರಣಕ್ಕೋ, ಹಣಕಾಸಿನ ಕೊರತೆಯ ಕಾರಣಕ್ಕೋ , ಮನೆಯ ಹಿರಿಯರು ಮದುವೆ ಮಾಡಿ ಜವಾಬ್ದಾರಿ ಕಳೆದುಕೊಳ್ಳುವ ಅನಿವಾರ್ಯತೆಗೋ ಸಿಲುಕಿ ಕೆಲವು ಯುವತಿಯರಿಗೆ ಉನ್ನತ ಶಿಕ್ಷಣ ಮರೀಚಿಕೆಯಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಸ್ವಾವಲಂಬಿ ಬದುಕಿಗಾಗಿ ಉನ್ನತ ಶಿಕ್ಷಣ, ವೃತ್ತಿ ಶಿಕ್ಷಣ ಪಡೆಯುವ ಅಗತ್ಯತೆಯನ್ನು ನಾವೇ ಮನೆಯ ಹಿರಿಯರಿಗೆ ಮನವರಿಕೆ ಮಾಡಿಕೊಟ್ಟು, ಶಿಕ್ಷಣ ಮುಂದುವರೆಸಿ ಔದ್ಯೋಗಿಕ ನೆಲೆ ಕಂಡುಕೊಳ್ಳಬೇಕಾಗುತ್ತದೆ.
