ಪ್ರಸ್ತುತ ಪರಿಸ್ಥಿತಿಯ ಅವಲೋಕನ: ಬೋರ್ಡ್ರೂಮ್ ವರದಿ ಪ್ರಕಟಿಸಿದ ಡೆಲಾಯ್್ಟ ಗ್ಲೋಬಲ್ನ ಮಹಿಳೆಯರ ಏಳನೇ ಆವೃತ್ತಿಯು ಭಾರತದಲ್ಲಿ ಬೋರ್ಡ್ ಸ್ಥಾನಗಳಲ್ಲಿ ಶೇ.17.1ರಷ್ಟು ಸ್ಥಾನಗಳನ್ನು ಮಹಿಳೆಯರು ಹೊಂದಿರುತ್ತಾರೆ ಎಂದು ತಿಳಿಸಿತು. 2013 ಪ್ರತಿ ಮಂಡಳಿಯಲ್ಲಿ ಒಬ್ಬ ಮಹಿಳಾ ಸದಸ್ಯರು ಕಡ್ಡಾಯವಾಗಿರಬೇಕೆಂಬ ಕಾಯ್ದೆ ಬಂದ ವರ್ಷ. ಈ ಕಾರಣದ ಸಲುವಾಗಿ 2014ರ ಸರ್ವೆಯಲ್ಲಿ ಬೋರ್ಡ್ ರೂಮ್ಳಲ್ಲಿರುವ ಮಹಿಳೆಯರ ಸಂಖ್ಯೆ ಶೇ.9ರಷ್ಟು ಜಾಸ್ತಿಯಾಗಿತ್ತು. ಆದರೆ 2018 ಬರುವಷ್ಟರಲ್ಲಿ ಈ ಸಂಖ್ಯೆ ಇಳಿಮುಖವಾಗೇ ಸಾಗಿದೆ ಎನ್ನುವುದು ಖೇದನೀಯ. ಬೋರ್ಡ್ ರೂಂನಲ್ಲಿರುವ ನಿರ್ದೇಶಕಿಯರ ಮಾತು ಬಿಡಿ, ನಾವು-ನೀವು ಇರುವ ಸಂಸ್ಥೆಗಳಲ್ಲಿ ಒಮ್ಮೆ ನೋಡಿ. ಮಹಿಳಾ ಸಂಸ್ಥೆಗಳನ್ನು ಬಿಟ್ಟರೆ ಬೇರೆ ಸಂಸ್ಥೆಗಳಲ್ಲಿ ಎಷ್ಟು ಮಹಿಳೆಯರು, ಅಧ್ಯಕ್ಷರು, ಕಾರ್ಯದರ್ಶಿಗಳು, ಕಾರ್ಯಕಾರಿ ಸಮಿತಿ ಸದಸ್ಯರಾಗಿದ್ದಾರೆ? ಒತ್ತಾಯಪೂರ್ವಕವಾಗಿ ಕೆಲವೇ ಕೆಲವು ಮಹಿಳೆಯರನ್ನು, ಕೆಲ ಹುದ್ದೆಗಳಿಗೆ ತಂದು ಕೂರಿಸು ತ್ತಾರೆ. ಬೆರಳೆಣಿಕೆಯಷ್ಟು ಅನ್ನಿಸುತ್ತದೆ. ಅವರು ಕೂಡ ನಾನಾ ಕಾರಣ ಗಳಿಂದ ಬರುವುದೇ ಕಡಿಮೆ. ಗ್ರಾಮ ಪಂಚಾಯಿತಿಯಂತಹ ಕೆಲವೆಡೆ ಸಾಮಾನ್ಯವಾಗಿ ಮಹಿಳೆಯರನ್ನು ಹೆಸರಿಗೆ ಮುಖ್ಯಸ್ಥರನ್ನಾಗಿ ಮಾಡಿ ರುತ್ತಾರೆ. ಆದರೆ ಗಂಡನೇ ಅಧಿಕಾರ ನಡೆಸುತ್ತಿರುತ್ತಾನೆ. ಹುದ್ದೆಗಳಲ್ಲಿ ಮೇಲೇರಿದಂತೆ, ಮಹಿಳೆಯರ ಸಂಖ್ಯೆ ಕಡಿಮೆಯಾಗುತ್ತದೆ ಎನ್ನಬಹುದು.
