ವ್ಯಾಕರಣದ ಸರಾಗ ಕಲಿಕೆಗೆ ಸುಲಭ ಕನ್ನಡ: ತರಗತಿಯಲ್ಲಿ ಕಲಿತ ಪಾಠದಲ್ಲಿನ ವ್ಯಾಕರಣಾಂಶಗಳನ್ನು ಪುನರ್ಮನನ ಮಾಡಿಕೊಂಡು ದೃಢಗೊಳಿಸಲು ‘ಸುಲಭ ಕನ್ನಡ ವ್ಯಾಕರಣ’ ಆ್ಯಪ್ ಉಪಯುಕ್ತವಾಗಿದೆ. ಕನ್ನಡದ ವ್ಯಾಕರಣ ಎಂದರೆ ಕಬ್ಬಿಣದ ಕಡಲೆ ಎನ್ನುವವರಿಗೆ ಈ ಆಪ್ ಉಪಯುಕ್ತವಾಗಿದೆ. ಕನ್ನಡ ವರ್ಣಮಾಲೆ, ನಾಮಪದ, ಕ್ರಿಯಾಪದ, ಸರ್ವನಾಮ ಗಳು, ವಚನಗಳು, ಲಿಂಗಗಳು, ವಿಭಕ್ತಿ ಪ್ರತ್ಯಯಗಳು, ವಾಕ್ಯಗಳ ಬಗೆಗೆ ಆಪ್ನ ವ್ಯಾಕರಣ ವಿಭಾಗದಲ್ಲಿ ವಿವರಿಸಲಾಗಿದೆ. ತತ್ಸಮ-ತದ್ಭವ, ಛಂದಸ್ಸು, ಕರ್ತರಿ-ಕರ್ಮಣಿ ಪ್ರಯೋಗಗಳು, ಸಂಧಿಗಳು, ಸಮಾಸಗಳು, ಸಮಾನಾರ್ಥಕ ಪದಗಳು, ದೇಶ್ಯ-ಅನ್ಯದೇಶ್ಯ ಪದಗಳು, ಗಾದೆ, ನುಡಿಗಟ್ಟು ಇತ್ಯಾದಿ ಭಾಷಾಭ್ಯಾಸಕ್ಕೆ ಸಂಬಂಧಿಸಿದ ಅಂಶಗಳನ್ನು ಆಪ್ನ ಭಾಷಾಭ್ಯಾಸ ವಿಭಾ ಗವು ಒಳಗೊಂಡಿದೆ. ಇದರಿಂದ ಭಾಷೆಯ ಒಳಹರಿವನ್ನು ತಿಳಿಯಬಹುದು.
