ಗಲ್ವಾನ್ ಕಣಿವೆಯಲ್ಲಿ ನಮ್ಮ ಯೋಧರು ಚೀನೀಯರ ವಿಶ್ವಾಸಘಾತದ ಪರಿಣಾಮವಾಗಿ ಹುತಾತ್ಮರಾದ ನಂತರದಲ್ಲಿ ಸಹೋದ್ಯೋಗಿಯೋರ್ವರು ಚೀನೀ ಮೊಬೈಲ್ ಕೊಂಡ ಸಂಭ್ರಮಾಚರಣೆ ಕಂಡು ಮನಸ್ಸು ಖಿನ್ನವಾಯಿತು. ಸಾವಿರಾರು ಮೈಲು ದೂರದ ಗಡಿಯಲ್ಲಿ ನಮ್ಮ ಸೈನಿಕರನ್ನು ಕೊಂದ ಕಪಟಿಗಳ ಕುರಿತು ನಮಗೆ ರೋಷ ಏಕಿಲ್ಲ? ವಸ್ತುಸ್ಥಿತಿಯನ್ನು ಅರಿಯದೆ, ಕೇವಲ ತಾನು ಚೆನ್ನಾಗಿದ್ದರೆ ಸಾಕು ಎನ್ನುವ ಅಸಡ್ಡೆತನ, ವಿಲಾಸಿ ಬದುಕನ್ನು ಬದುಕುತ್ತ ತಮ್ಮದೇ ಪ್ರಪಂಚದಲ್ಲಿ ಕಳೆದುಹೋಗುತ್ತಿರುವ ಸೋ ಕಾಲ್ಡ್ ಸಭ್ಯ ನಾಗರಿಕರಿಗೆ, ಯುವಜನಾಂಗಕ್ಕೆ ಏನನ್ನಬೇಕು? ಕೊನೆಗೂ ಸರ್ಕಾರ ಚೀನೀ ಮೊಬೈಲ್ ಆಪ್ಗಳನ್ನು ನಿಷೇಧ ಮಾಡಲು ನಿರ್ಧರಿಸಿದೆ. ಜನಸಾಮಾನ್ಯರಿಗೆ ನಮ್ಮ ಶತ್ರು-ಮಿತ್ರರ ಪರಿಚಯ ಮಾಡಿಸದೇ ಹೋದರೆ ಭಾರಿ ಅನಾಹುತವಾದೀತು. ನಂಬಲನರ್ಹ ದ್ರೋಹಿಗಳ ಜತೆಯಲ್ಲಿ ವ್ಯಾಪಾರ-ವಹಿವಾಟು ಸಾಮಾನ್ಯವಿರಲು ಹೇಗೆ ಸಾಧ್ಯ?
