ಮೀನಾ ಎಂಬ ಪಾತ್ರಧಾರಿ: ಮಕ್ಕಳ ಹಕ್ಕುಗಳನ್ನು ಪ್ರಚುರಪಡಿಸಲು ಚಿತ್ರಗಳು, ಪೋಸ್ಟರ್ಗಳು,ಕಾರ್ಟೂನ್ ಚಲನಚಿತ್ರ, ಪುಸ್ತಕಗಳ ಮೂಲಕ ಯುನಿಸೆಫ್ ಪ್ರಯತ್ನಿಸುತ್ತದೆ. ಮಕ್ಕಳ ಹಕ್ಕುಗಳು, ಹೆಣ್ಣು ಮಕ್ಕಳ ಶಿಕ್ಷಣದ ಬಗ್ಗೆ ಪ್ರಚುರಪಡಿಸಲು ಯುನಿಸೆಫ್ನವರು ಸೃಷ್ಟಿಸಿರುವ ಕಥೆಗಳ ಮುಖ್ಯ ಪಾತ್ರಧಾರಿ ಮೀನಾ. ಜನಸಾಮಾನ್ಯರಲ್ಲಿ ಮಕ್ಕಳ ಬಗ್ಗೆ ಎಚ್ಚರ ವಹಿಸುವ ಕುರಿತು ಕಥೆಯ ಇತರ ಪಾತ್ರಗಳೊಂದಿಗೆ ರಂಜಿಸುತ್ತಾ ಮೀನಾ ವಿಚಾರಗಳನ್ನು ಪ್ರಸ್ತುತಪಡಿಸುತ್ತಾಳೆ. 1990ರಲ್ಲಿ ಮೀನಾಳ ಕಥೆ ಮತ್ತು ಪಾತ್ರವನ್ನು ಕಲ್ಪಿಸಿಕೊಂಡ ಯುನಿಸೆಫ್ನ ಸಂವಹನ ತಂಡ 1998ರಲ್ಲಿ ಮೊದಲ ಬಾರಿಗೆ ಮೀನಾಳನ್ನು ಮಕ್ಕಳ ಮುಂದೆ ಪ್ರದರ್ಶಿಸಿತು. ಮೀನಾಳ ಕಥೆಗಳು ದಕ್ಷಿಣ ಏಷ್ಯಾದ ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶ, ಶ್ರೀಲಂಕಾ, ನೇಪಾಳ, ಮಾಲ್ಡೀವ್ಸ್, ಭೂತಾನ್ ದೇಶಗಳಿಗೂ ಅನ್ವಯಿಸುವಂತೆ ಮಾಡುವುದು ಯುನಿಸೆಫ್ಗೆ ಸವಾಲಾಗಿತ್ತು. ಆದರೆ ಈಗ ಶಾಲಾ ಶಿಕ್ಷಣದಲ್ಲಿ ಮಕ್ಕಳೆದುರು ಕಾರ್ಟೂನ್ ಚಿತ್ರದ ಮೀನಾ ಸೂಪರ್ ಗರ್ಲ್ಳಂತೆ ಆಗಿದ್ದಾಳೆ.
