ಇವನನ್ನು ನೋಡಿದ ವ್ಯಾಪಾರಿ ನಗುತ್ತಲೇ ಸ್ವಾಗತಿಸಿದ. ಕೊನೆಗೆ ಕುತೂಹಲ ತಡೆಯಲಾರದೆ ರಾಮುನೇ, ‘ಕುದುರೆ ಸತ್ತಿತ್ತಲ್ಲ, ಏನು ಮಾಡಿದಿ?’ ಅಂತ ಕೇಳಿದ. ಆತ, ‘ಮಾರಿದೆ’ ಎಂದ. ‘ಸತ್ತ ಕುದುರೆ ಹೇಗೆ ಮಾರಿದೆ’ ಅಂತ ರಾಮು ಕೇಳಿದ. ಅದಕ್ಕೆ ಮಾರ್ವಾಡಿ ‘ಅದು ಸತ್ತಿದ್ದು ನನಗೂ ನಿನಗೂ ಮಾತ್ರ ಗೊತ್ತಿತ್ತು, ಉಳಿದವರಿಗೇನು ಗೊತ್ತಿತ್ತು? ಒಂದು ಲಾಟರಿ ಏರ್ಪಾಡು ಮಾಡಿ ಒಂದು ಟಿಕೆಟಿಗೆ ಒಂದು ರೂಪಾಯಿ, ಗೆದ್ದವರಿಗೆ ಕುದುರೆ ಬಹುಮಾನ ಅಂತ ಪ್ರಚಾರ ಮಾಡಿದೆ. ಇದರಿಂದ ಸಾವಿರಾರು ಟಿಕೇಟು ಮಾರಿಹೋಯಿತು. ಗೆದ್ದವನಿಗೆ ಕುದುರೆಯನ್ನು ತೆಗೆದುಕೊಂಡು ಹೋಗುವಂತೆ ಹೇಳಿದೆ. ಆತ ಸತ್ತ ಕುದುರೆ ನೋಡಿ, ಮೋಸ ಹೋದೆನೆಂದು ಅಳಲಾರಂಭಿಸಿದ. ಅದಕ್ಕೆ ನಿನ್ನ ಹಣ ಹಿಂದಿರುಗಿಸುತ್ತೇನೆ ಎಂದಾಗ ಸಮಾಧಾನ ಪಟ್ಟ. ಅವನ ಟಿಕೆಟಿನ ಒಂದು ರೂಪಾಯಿಯನ್ನು ಅವನಿಗೇ ವಾಪಾಸು ಕೊಟ್ಟೆ ಅಷ್ಟೇ’ ಎಂದ.
