ನವದೆಹಲಿ: ದೇಶದ ಅತ್ಯುನ್ನತ ನಾಗರಿಕ ಪುರಸ್ಕಾರವಾಗಿರುವ ಪದ್ಮ ಪುರಸ್ಕಾರಕ್ಕೆ ಆನ್ಲೈನ್ ನಾಮನಿರ್ದೇಶನ ಮಾಡುವುದಕ್ಕೆ ಸೆಪ್ಟೆಂಬರ್ 15ರ ತನಕ ಕಾಲಾವಕಾಶ ಇದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ. 2021ನೇ ಸಾಲಿನ ಪದ್ಮಪುರಸ್ಕಾರವನ್ನು 2021ರ ಗಣರಾಜ್ಯೋತ್ಸವ ದಿನ ಪ್ರದಾನಮಾಡಲಾಗುತ್ತಿದ್ದು, ಇದಕ್ಕೆ ಸಂಬಂಧಿಸಿದ ಆನ್ಲೈನ್ ನಾಮ ನಿರ್ದೇಶನ ಪ್ರಕ್ರಿಯೆ ಮೇ 1ರಂದು ಆರಂಭವಾಗಿತ್ತು.
ಪದ್ಮ ಪುರಸ್ಕಾರಗಳು ಎಂದರೆ ಪದ್ಮ ವಿಭೂಷಣ, ಪದ್ಮ ಭೂಷಣ, ಪದ್ಮಶ್ರೀ ಪುರಸ್ಕಾರಗಳು. ಇವುಗಳನ್ನು 1954ರಲ್ಲಿ ಪ್ರಾರಂಭಿಸಲಾಗಿದ್ದು, ಪ್ರತಿ ವರ್ಷ ಗಣರಾಜ್ಯೋತ್ಸವದಂದು ಪ್ರದಾನಮಾಡಲಾಗುತ್ತದೆ. ಇದುವರೆಗೆ, ಪೋರ್ಟಲ್ ಮೂಲಕ 8,035 ನಾಮನಿರ್ದೇಶನಗಳಾಗಿವೆ. ಈ ಪೈಕಿ 6,361 ನಾಮನಿರ್ದೇಶನಗಳನ್ನು ಪರಿಶೀಲಿಸಿ ಅರ್ಹವಾದವುಗಳನ್ನು ಪುರಸ್ಕಾರಕ್ಕೆ ಶಿಫಾರಸು ಮಾಡಲಾಗಿದೆ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ.
ಇದನ್ನೂ ಓದಿ: ಸಾಯುವುದಕ್ಕೆ ಮುನ್ನ ಸುಶಾಂತ್ ಗೂಗಲ್ನಲ್ಲಿ ಏನು ಹುಡುಕುತ್ತಿದ್ದರು?
ಪ್ರತಿಷ್ಠಿತ ಪುರಸ್ಕಾರಕ್ಕೆ ಅರ್ಹರನ್ನು ನಾಮ ನಿರ್ದೇಶನ ಮಾಡುವುದಕ್ಕೆ ಇನ್ನೂ ಸಮಯಾವಕಾಶ ಇರುವ ಕಾರಣ, ಪದ್ಮ ಪುರಸ್ಕಾರದ ಪೋರ್ಟಲ್ https://padmaawards.gov.in ಮೂಲಕ ನಾಮ ನಿರ್ದೇಶನ ಮಾಡಬಹುದು. (ಏಜೆನ್ಸೀಸ್)
ಮುಂದಿನ 50 ವರ್ಷ ಕಾಲ ಕಾಂಗ್ರೆಸ್ ವಿಪಕ್ಷ ಸ್ಥಾನದಲ್ಲೇ ಮುಂದುವರಿಯಲಿದೆ ಹೀಗಾದ್ರೆ…: ಗುಲಾಂ ನಬಿ ಆಜಾದ್