ಪ್ರಯೋಜನವೇನು?: ಹಾಕಿನಿ ಮುದ್ರೆಯ ಅಭ್ಯಾಸದಿಂದ ಜ್ಞಾಪಕ ಶಕ್ತಿ ಹಾಗೂ ಏಕಾಗ್ರತೆ ಹೆಚ್ಚುತ್ತದೆ. ಕೇಂದ್ರೀಕೃತ ಮತ್ತು ಆಳವಾದ ಉಸಿರಾಟವು ಮಿದುಳಿಗೆ ಆಮ್ಲಜನಕದ ಪೂರೈಕೆಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ, ಕಾರ್ಯನಿರ್ವಹಣೆಯನ್ನು ಸುಧಾರಿಸುತ್ತದೆ ಮತ್ತು ಅಂತಿಮವಾಗಿ ಬ್ರೈನ್ ಪವರ್ ಜಾಸ್ತಿಯಾಗುತ್ತದೆ. ಹಾಕಿನಿ ಮುದ್ರೆಯು ರ್ತಾಕ ಚಿಂತನೆ ಮತ್ತು ಸೃಜನಾತ್ಮಕ ಅಂಶಗಳನ್ನು ಗ್ರಹಿಸಲು ಸಹಾಯ ಮಾಡುತ್ತದೆ. ಏಕೆಂದರೆ ಆಜ್ಞಾ ಚಕ್ರವು ಮಿದುಳಿನ ಎರಡೂ ಅರ್ಧಗೋಳಗಳನ್ನು ಸಶಕ್ತಗೊಳಿಸುತ್ತದೆ. ಕ್ರಮವಾಗಿ ಆಜ್ಞಾ ಚಕ್ರ ಗ್ರಹಿಕೆ, ಗಮನ, ಜಾಗರೂಕತೆ, ಅಂತರ್ಬೇಧೆ ಮತ್ತು ಕುತೂಹಲದ ಗುಣಗಳನ್ನು ಸಕ್ರಿಯಗೊಳಿಸುತ್ತದೆ. ಒತ್ತಡ, ಆತಂಕ, ಖಿನ್ನತೆ ಮುಂತಾದ ವಿವಿಧ ಮಾನಸಿಕ ಸಮಸ್ಯೆಗಳನ್ನು ನಿವಾರಿಸುತ್ತದೆ. ಸಾತ್ವಿಕ ಜೀವನಶೈಲಿಯನ್ನು ಅನುಸರಿಸುವಾಗ ಈ ಮುದ್ರೆಯನ್ನು ಅಭ್ಯಾಸ ಮಾಡುವುದು ಆಧ್ಯಾತ್ಮಿಕ ಮಾರ್ಗದಲ್ಲಿ ಸಹಾಯ ಮಾಡುತ್ತದೆ. ಅನುಭವಿ ಗುರು ಅಥವಾ ಶಿಕ್ಷಕರ ಅಡಿಯಲ್ಲಿ ಹಾಕಿನಿ ಮುದ್ರೆಯನ್ನು ಕಲಿತು ಅಳವಡಿಸಿಕೊಂಡಲ್ಲಿ ಜಾಗೃತಿಗೆ ಕಾರಣವಾಗುತ್ತದೆ. ಇದು ಹಿಂದಿನ ಮತ್ತು ಭವಿಷ್ಯದ ಒಳನೋಟಗಳನ್ನು ಮತ್ತಷ್ಟು ಬಹಿರಂಗಪಡಿಸುತ್ತದೆ. ಈ ಮುದ್ರೆಯು ರಕ್ತದೊತ್ತಡ ಮತ್ತು ದೇಹದ ದೋಷಗಳನ್ನು (ವಾತ, ಪಿತ್ತ ಮತ್ತು ಕಫ) ಸಮತೋಲಗೊಳಿಸಲು ಸಹಾಯ ಮಾಡುತ್ತದೆ. ನಿರಂತರ ಉಸಿರಾಟವು ಮೂಗಿನ ಹೊಳ್ಳೆಗಳನ್ನು ಸಹ ಸ್ಪಷ್ಟಪಡಿಸುತ್ತದೆ. ಇದರಲ್ಲಿ ಎಲ್ಲಾ ಪಂಚ ತತ್ವಗಳು ಜತೆಗೂಡುತ್ತವೆ. ಆಜ್ಞಾಚಕ್ರ ಬಲಗೊಳ್ಳುತ್ತದೆ. ಮರೆಯುವಿಕೆಯ ಸಮಸ್ಯೆಯನ್ನು ನಿವಾರಿಸುತ್ತದೆ. ಮನಸ್ಸು ಶಾಂತವಾಗುತ್ತದೆ. ಚಿತ್ತ ಶುದ್ಧಿಯಾಗುತ್ತದೆ. ಮನಸ್ಸಿನಲ್ಲಿ ಒಳ್ಳೆಯ ವಿಚಾರಗಳನ್ನು ತುಂಬಲು ಸಹಾಯಮಾಡುತ್ತದೆ. ಈ ಮುದ್ರೆಯಿಂದ ಮನಸ್ಸು ಪರಿಶುದ್ಧವಾಗಿ ಒಳ್ಳೆಯ ವಿಚಾರಗಳನ್ನೂ ಚಿಂತನೆಗಳನ್ನೂ ಹೆಚ್ಚಿಸಲು ಸಹಾಯವಾಗುತ್ತದೆ. ಕೆಲವೊಮ್ಮೆ ಉಪನ್ಯಾಸ, ವಿಚಾರಗೋಷ್ಠಿಗಳಲ್ಲಿ ಕೆಲವು ವಿಚಾರಗಳು ಹೇಳಲು ಇಚ್ಛಿಸಿದಾಗ ನೆನಪಿಗೆ ಬರುತ್ತಿಲ್ಲ ಎಂದಿಟ್ಟುಕೊಳ್ಳಿ. ಆ ಸಂದರ್ಭದಲ್ಲಿ ಈ ಹಾಕಿನಿ ಮುದ್ರೆಯನ್ನು ಬಳಸಿದಾಗ ಹೇಳುವಂತಹ ವಿಚಾರಗಳು ನೆನಪಾಗುತ್ತವೆ ಎಂದು ಅನುಭವಿಗಳು ಹೇಳುತ್ತಾರೆ. ವಯೋಮಾನದಲ್ಲಿ ಕಾಡುವ ನೆನಪಿನ ಶಕ್ತಿಯ ತೊಂದರೆಯನ್ನು ಈ ಮುದ್ರೆಯ ಮೂಲಕ ಪರಿಹರಿಸಿಕೊಳ್ಳಬಹುದು. ಸಾಧ್ಯವಾದರೆ ಈ ಮುದ್ರೆಯಲ್ಲಿ ಸ್ವಲ್ಪ ಹೊತ್ತು ಕಣ್ಣು ಮುಚ್ಚಿ ದೀರ್ಘ ಉಸಿರಾಟವನ್ನು 3 ರಿಂದ 6 ಬಾರಿ ಅಭ್ಯಾಸ ಮಾಡಿ. ಹಾಕಿನಿ ಮುದ್ರೆಯಲ್ಲಿ ಸ್ಪಷ್ಟವಾಗಿ ಯೋಚಿಸಲು ಸಹಕಾರಿಯಾಗುತ್ತದೆ. ಮನಬಿಚ್ಚಿ ಮಾತನಾಡಲು ಈ ಮುದ್ರೆಯ ಅಭ್ಯಾಸದಿಂದ ಸಹಕಾರಿಯಾಗುತ್ತದೆ. ವಿದ್ಯಾರ್ಥಿಗಳು ಪರೀಕ್ಷೆ ಸಂದರ್ಭದಲ್ಲಿ ಓದಿದ ವಿಷಯಗಳು ನೆನಪಾಗಲು ಈ ಮುದ್ರೆ ಸಹಕಾರಿಯಾಗುತ್ತದೆ. ಮಕ್ಕಳಿಗೂ ಈ ಮುದ್ರೆ ಸಹಕಾರಿಯಾಗುತ್ತದೆ. ಮನಸ್ಸಿನ ಏಕಾಗ್ರತೆ ಸಾಧ್ಯವಾಗುತ್ತದೆ.
