ನಿಮ್ಮ ತಂದೆಯ ಸ್ವಯಾರ್ಜಿತ ಆಸ್ತಿಯನ್ನು ಅವರು ಯಾರಿಗೆ ಬೇಕಾದರೂ ಹೇಗೆ ಬೇಕಾದರೂ ಪರಭಾರೆ ಮಾಡಬಹುದು. ನೀವು , ನಿಮ್ಮ ಜಾತಿಯಲ್ಲಿಯೇ ಮದುವೆ ಆಗಿದ್ದರೂ ಸಹ, ನಿಮ್ಮ ತಂದೆ ಅವರು ಸಂಪಾದಿಸಿದ ಆಸ್ತಿಯನ್ನು ನಿಮ್ಮ ಅಕ್ಕನಿಗೆ ಮಾತ್ರ ಕೊಡಬಹುದಿತ್ತು. ನಿಮ್ಮ ತಂದೆ ಅವರ ಸ್ವ ಇಚ್ಛೆಯಿಂದ ನಿಮ್ಮ ಅಕ್ಕನಿಗೆ ಮಾಡಿಕೊಟ್ಟಿರುವ ದಾನಪತ್ರವನ್ನು ರದ್ದು ಮಾಡಲು ಕೇಳಿ ನೀವು ದಾವೆ ಹಾಕಿದರೆ ನಿಮ್ಮ ದಾವೆ ನಿಲ್ಲುವುದಿಲ್ಲ. ನಿಮ್ಮ ತಂದೆ ತೀರಿಕೊಂಡಿದ್ದರೆ, ಅವರು ಬಿಟ್ಟು ಹೋಗಿದ್ದ ಆಸ್ತಿಗಳಲ್ಲಿ, ನಿಮಗೆ , ನಿಮ್ಮ ಅಕ್ಕನಿಗೆ ಮತ್ತು ನಿಮ್ಮ ತಾಯಿಗೆ ಮೂರನೇ ಒಂದು ಭಾಗ ಆಸ್ತಿ ಸಿಗುತ್ತಿತ್ತು. ನೀವು ಬೇರೆಯ ಜಾತಿಯವರನ್ನು ಮದುವೆ ಆಗಿದ್ದರೂ ಆಗ ಮೃತ ಹಿಂದು ಪುರುಷನ ಆಸ್ತಿಯಲ್ಲಿ ನಿಮಗೆ ಸಮಭಾಗವೇ ಬರುತ್ತಿತ್ತು. ಈಗ ಏನೂ ಬರುವುದಿಲ್ಲ. ಕೇಸು ಹಾಕಿ ಪ್ರಯೋಜನವಿಲ್ಲ. ಅವರನ್ನು ಹೋಗಿ ಕೇಳಿಕೊಳ್ಳುವ ಪ್ರಯತ್ನ ಮಾಡಿ ನೋಡಿ.
