ಹೇಗೆ ಒಂದು ಮರದ ಜೀವರಸವು, ಅದರ ತೊಗಟೆ, ಹಣ್ಣು, ಹೂವು, ಕೊಂಬೆಗಳು, ಎಲೆಗಳೆಲ್ಲವನ್ನೂ ಪೋಷಿಸುವುದೋ ಹಾಗೆಯೇ ವೇದಗಳು ಈ ಸೃಷ್ಟಿಯನ್ನು ಪೋಷಿಸುವ ಬೀಜಗಳಂತಿವೆ. ಸಮೂಹ ಮತ್ತು ವಿಶ್ವ ಪ್ರಜ್ಞೆಯ ಡಿಎನ್ಎಯನ್ನು ವೇದಗಳು ಹೊಂದಿವೆ. ವೇದಗಳನ್ನು ಅರ್ಥ ಮಾಡಿಕೊಳ್ಳುವುದು ಅಮೂಲ್ಯವಾದುದಾದರೂ ಅವುಗಳ ತರಂಗಗಳನ್ನು ಅನುಭವಿಸುವುದು ಅದಕ್ಕಿಂತಲೂ ಮಿಗಿಲಾಗಿದೆ. ಪ್ರಜ್ಞೆಯು ವಿಸ್ತರಿಸಿದಂತೆ ಅರ್ಥೈಸುವಿಕೆ ಮತ್ತು ಗ್ರಹಿಕೆಯು ಸಹ ಉನ್ನತವಾಗುತ್ತದೆ. ರುದ್ರ ಭಯಂಕರನಾದರೂ ಆತ ಪ್ರೇಮಮಯಿ. ಅವನು ನಮ್ಮ ಹೃದಯದಲ್ಲಿ ಮನೆ ಮಾಡಿರುವ ಭಯವನ್ನು ನಿವಾರಿಸಿಬಿಡುತ್ತಾನೆ. ‘ಅಘೊರೇಭ್ಯೊà—ಥ ಘೊರೇಭ್ಯೋ ಘೊರ ಘೊರ ತರೇಭ್ಯಃ’ ಎಂಬ ಮಂತ್ರವು ರುದ್ರದೇವರ ರೌದ್ರ ರೂಪವನ್ನು ಹೇಳá-ವುದರೊಂದಿಗೆ, ಆತನು ಭಯವನ್ನು ನಿವಾರಿಸುವ ಶಕ್ತಿಯನ್ನೂ ಸೂಚಿಸುತ್ತಿದೆ. ಭಯವನ್ನು ದೈವತ್ವದ ಒಂದು ಭಾಗ ಎಂದು ಗುರುತಿಸಿ ಸ್ವೀಕರಿಸುವುದರಿಂದ ಭಯದೊಂದಿಗಿನ ನಮ್ಮ ಸಂಬಂಧವು ಪರಿವರ್ತನೆಯಾಗುತ್ತದೆ. ಕೋಪವು ಶಕ್ತಿಯ ಮತ್ತೊಂದು ರೂಪ. ಆಕ್ರಮಣಶೀಲರಾಗದೆ ಇದನ್ನು ಗುರುತಿಸುವುದರಿಂದ ನಮ್ಮ ಕೆಲಸಗಳನ್ನು ಹೆಚ್ಚು ಅರಿವಿನಿಂದ ನಿರ್ವಹಿಸಬಹುದು. ಸಾಮಾನ್ಯವಾಗಿ ರುದ್ರನು ರೌದ್ರತೆಗೆ ಮತ್ತು ಇತರರು ಅಳುವಂ ತಾಗುವ ಕಾರಣಕ್ಕೆ ಸಂಬಂಧಿಸಲ್ಪಡುತ್ತಾನೆ. ಜೀವನದಲ್ಲಿ ಕ್ಷುಲ್ಲಕ ವಿಷಯಗಳಿಗಾಗಿ ಅಳುತ್ತಿರುತ್ತೇವೆ. ಆದರೆ ನೀವು ಎಂದಾದರೂ ಭಗವಂತನಿಗಾಗಿ ಹೃದಯಾಂತರಾಳದಿಂದ ಹಂಬಲಿಸಿದ್ದೀರಾ? ಅಳುವ ಒಂದು ಕ್ರಿಯೆ ಮಾನವನ ಅಸ್ತಿತ್ವದ ಒಂದು ಅವಿಭಾಜ್ಯ ಅಂಗವಾಗಿದೆ. ನಾವು ಹುಟ್ಟಿದ ಕೂಡಲೇ ಮಾಡುವ ಮೊದಲನೆಯ ಕೆಲಸವೇ ಇದು. ಅಳು, ಭಾವನೆಗಳು ಮತ್ತು ನೋವನ್ನು ಅಭಿವ್ಯಕ್ತಗೊಳಿಸುವ ಕ್ರಿಯೆ. ಅಳುವನ್ನು ಪ್ರೇಮಿಸಿ ಎಂದೊಬ್ಬ ಸಂತ ಸಲಹೆ ನೀಡಿದನಂತೆ. ಏಕೆಂದರೆ ಅದು ಕೃತಜ್ಞತೆಯ ಕಣ್ಣೀರು ಮತ್ತು ಆನಂದ ಭಾಷ್ಪಕ್ಕೂ ಸಂಬಂಧಿಸಿದೆ. ಪ್ರೇಮ ಹಾಗೂ ಕರುಣಾಪೂರ್ಣವಾದ ಮತ್ತು ನಮ್ಮೆಲ್ಲ ನೋವನ್ನು ನಿವಾರಿಸುವ ಅಳುವ ಕ್ರಿಯೆಯು ರುದ್ರನ ಪ್ರತೀಕವಾಗಿದೆ. ರುದ್ರ ಅಥವಾ ಪ್ರಜ್ಞೆಯನ್ನು ಭಗವಂತ ಎಂದು ಸಂಬೋಧಿಸಲಾಗುತ್ತದೆ. ಭಗವಂತ ಎಂಬುದು ಎಲ್ಲದರ ಮೇಲಿನ ಒಡೆತನವನ್ನು ಸೂಚಿಸುತ್ತದೆ. ದೇಶದ ಪ್ರಧಾನಮಂತ್ರಿ, ಅಧ್ಯಕ್ಷರು ಅಥವಾ ಯಾವುದೋ ಒಂದು ಕ್ಷೇತ್ರದ ಒಡೆತನ - ಹೀಗೆ ವ್ಯಕ್ತಿಗಳು ಸೀಮಿತವಾದುದರ ಮೇಲೆ ತಮ್ಮ ಒಡೆತನವನ್ನು ಹೊಂದಿರುತ್ತಾರೆ. ಆದರೆ ಭಗವಂತನು ಸರ್ವವ್ಯಾಪಿಯಾಗಿ, ಶಕ್ತಿ, ಅಧಿಕಾರ, ಸಂಪತ್ತು, ಕೀರ್ತಿ, ಜ್ಞಾನ ಮತ್ತು ವೈರಾಗ್ಯ ಇವೆಲ್ಲದರ ಒಡೆತನವನ್ನು ಸೂಚಿಸುತ್ತಾನೆ.
