ಈ ಬಾರಿ ಹೊಸ ವರ್ಷದ ಸ್ವಾಗತ ಎಂದಿನಂತೆ ಇರಲಿಲ್ಲ. ‘ನಿಜಕ್ಕೂ ಈ ವರ್ಷ ಒಳಿತಾಗಲಿ, ತಪು್ಪಗಳು ಘಟಿಸಿದ್ದರೆ ಕ್ಷಮೆ ಸಿಗಲಿ...’ ಎಂಬ ಕಾರುಣ್ಯಭಾವದ ಕೋರಿಕೆಯೇ ಭಾರತ ಸೇರಿದಂತೆ ಜಗದಗಲ ಪ್ರತಿಧ್ವನಿಸಿತು. ಸಂಭ್ರಮ ಇತ್ತಾದರೂ, ಅದರ ಜತೆಗೆ ಕೊಂಚ ಅಳುಕಿತ್ತು, ‘ಉತ್ತಮ ನಾಳೆಗಳು ಬಂದೇ ಬರುತ್ತವೆ...’ ಎಂಬ ವಿಶ್ವಾಸವೂ ಕಾಣುತ್ತಿಲ್ಲ. ಹಾಗಾಗಿಯೇ, ಹೃದಯದಲ್ಲಿ ನೋವಿನ ಭಾರ ಪೂರ್ಣವಾಗಿ ಕರಗದಿದ್ದರೂ, 2022 ನಿಜವಾದ ನಲಿವನ್ನೇ ತರಲಿ ಎಂಬ ಅಪೇಕ್ಷೆ. ಹೌದು, 2020 ಮತ್ತು 2021 ಈ ಎರಡೂ ವರ್ಷಗಳು ಕರೊನಾ ಸಾಂಕ್ರಾಮಿಕದ ಪರಿಣಾಮ ಜಗತ್ತು ಸಾವು-ನೋವುಗಳನ್ನು ಅನುಭವಿಸಿದೆ. ಈ ಮಧ್ಯೆ ಕೆಲ ದೇಶಗಳಲ್ಲಿ ಮೂರನೇ ಅಲೆ, ಮತ್ತೆ ಕೆಲವೆಡೆ ಮೂರನೇ ಅಲೆಯ ಆರ್ಭಟ. ಈ ಕಾಲಘಟ್ಟ ಮನುಕುಲಕ್ಕೆ ಹಲವು ಪಾಠಗಳನ್ನು ಕಲಿಸಿದೆ. ಜೀವನಶೈಲಿ ಬದಲಾಗಿದೆ, ಆರ್ಥಿಕ ಸ್ಥಿತಿ ಸೊರಗಿದೆ. ಅದೇನಿದ್ದರೂ, ‘ನಾಳೆ’ ಎಂಬ ಬತ್ತಳಿಕೆಯಲ್ಲಿ ಖುಷಿಯ ಅಚ್ಚರಿಗಳಿವೆ ಎಂಬುದನ್ನು ಮನುಷ್ಯ ನಿರೀಕ್ಷಿಸಲೇ ಬೇಕು.
