ರೋಗದ ಹೆಸರಿಗೆ ಅನುಗುಣವಾಗಿ ಹೋಮಿಯೋಪಥಿ ಔಷಧಿಗಳನ್ನು ನೀಡಲಾಗುವುದಿಲ್ಲ. ವ್ಯಕ್ತಿಯ ಒಟ್ಟು ಮಾನಸಿಕ, ದೈಹಿಕ ರೋಗ ಲಕ್ಷಣಗಳನ್ನು ಅಭ್ಯಸಿಸಿ ಔಷಧಿ ನೀಡಲಾಗುವುದು. ಹಾವಿನ ವಿಷದಿಂದ ತಯಾರಿಸಲ್ಪಡುವ ಔಷಧಿಗಳು ಮಾನವನ ಮಿದುಳು, ನರಮಂಡಲದ ವ್ಯಾಧಿಗಳು, ಮಾಂಸಖಂಡದ ನ್ಯೂನತೆಗಳು, ರಕ್ತ ಸಂಚಾರದ ಏರುಪೇರುಗಳು, ಚರ್ಮರೋಗಗಳು, ಹೃದಯ ಹಾಗೂ ಯಕೃತ್ತಿನ ತೊಂದರೆಗಳ ಚಿಕಿತ್ಸೆಗಳಲ್ಲಿ ರಾಮಬಾಣದಂತೆ ಕಾರ್ಯನಿರ್ವಹಿಸುತ್ತವೆ. ಹಾವಿನ ವಿಷಗಳಿಂದ ತಯಾರಿಸಿರುವ ಔಷಧಿಗಳು ಈ ರೀತಿಯಾದ ವಿಚಿತ್ರ ಹಾಗೂ ವಿಶೇಷ ರೋಗ ಲಕ್ಷಣ ಹೊಂದಿದ ವ್ಯಕ್ತಿಗಳ ಚಿಕಿತ್ಸೆಯಲ್ಲಿ ಸಹಕಾರಿಯಾಗಿವೆ. ಯಾವಾಗಲೂ ಆತಂಕದಿಂದ ಬಳಲುವವರು, ಅತಿಯಾಗಿ ತಳಬುಡವಿಲ್ಲದೆ ಮಾತನಾಡುವುದು, ಅನುಮಾನಾಸ್ಪದ ಸ್ವಭಾವದ ಇರುವವರಿಗೆ, ಸಾವಿನ ಭಯ ಹೊಂದಿದವರಿಗೆ, ಹುಚ್ಚುತನದ ಧಾರ್ವಿುಕತೆ, ಕೆರಳಿಸುವ ಸ್ವಭಾವದವರು, ವಿನಾಕಾರಣ ಜಗಳ ತೆಗೆಯುವವರು, ಅಹಂಕಾರ ಹೊಂದಿದವರು, ಅಸೂಯೆ ಈ ರೀತಿಯಾದ ಮನೋ ಲಕ್ಷಣವುಳ್ಳವರಿಗೆ ಅತ್ಯಂತ ಸಹಕಾರಿಯಾಗಿವೆ. ಹಾವಿನ ವಿಷಗಳಿಂದ ಮಾಡಲ್ಪಡುವ ಹೋಮಿಯೋಪಥಿ ಔಷಧಿಗಳು ಈ ರೀತಿಯಾದ ದೈಹಿಕ ಲಕ್ಷಣವುಳ್ಳವರಿಗೆ ಸಹಕಾರಿಗಳಾಗಿವೆ. ದೇಹದ ಯಾವುದೇ ಭಾಗದಿಂದ ಅತಿಯಾದ ಕಡು ಕೆಂಪು ರಕ್ತಸ್ರಾವವಾಗುವವರಿಗೆ, ಎಲ್ಲ ಹಾವಿನ ವಿಷದಿಂದ ತಯಾರಿಸಿದ ಔಷಧಿಗಳು ದೇಹದ ಎಡಭಾಗದ ಆರೋಗ್ಯ ತೊಂದರೆಯನ್ನು ಉಪಶಮನ ಮಾಡುವ ಶಕ್ತಿ ಹೊಂದಿವೆ. ಗ್ಯಾಂಗ್ರಿನ್, ರಕ್ತದ ನಂಜು, ಪಾರ್ಶ್ವವಾಯು, ಒಣಗಿದ ಚರ್ಮ. ಉರಿಯೂತ, ವಿಪರೀತ ಅಶಕ್ತತೆ, ಕತ್ತು ಹಿಸುಕಿದಂತೆ ಭಾಸವಾಗುವದಕ್ಕೆ ಈ ಮದ್ದುಗಳು ಸಹಾಯಕ. ಮದ್ಯವ್ಯಸನಿಗಳಿಗೆ ಹಾಗೂ ಪ್ರತಿ ವಸಂತ ಋತುವಿನಲ್ಲಿ ಹಾಗೂ ಸ್ತ್ರೀಯರ ಪ್ರತಿ ಮಾಸಿಕ ಋತುವಿನಲ್ಲಿ ಕಾಣುವ ಆರೋಗ್ಯ ಸಮಸ್ಯೆಗಳಿಗೆ ಬಹಳ ಉಪಯುಕ್ತವಾಗಿವೆ. ಆದರೆ, ಸ್ವತಃ ಇಂತಹ ಔಷಧಿ ಬಳಕೆ ಅಪಾಯಕಾರಿ, ನುರಿತ ಹೋಮಿಯೋಪಥಿ ವೈದ್ಯರನ್ನು ಸಂರ್ಪಸಿ ಚಿಕಿತ್ಸೆ ಪಡೆದುಕೊಳ್ಳುವುದು ಒಳಿತು.
