| ಸುಮಾವೀಣಾ
ಒಮ್ಮೆ ಮರಗೆಲಸದವನು ತನ್ನ ನಿತ್ಯದ ಕೆಲಸ ಮುಗಿಸಿ ಒಳ ಸೇರಿದ್ದ ದೊಡ್ಡ ಹಾವನ್ನು ಗಮನಿಸದೆ ಅಂಗಡಿಗೆ ಬೀಗ ಹಾಕಿ ಮನೆಗೆ ಹೊರಡುತ್ತಾನೆ. ಅಷ್ಟರಲ್ಲಿ ಹಾವೂ ಸಹ -ಆ ಅಂಗಡಿಯಲ್ಲಿ ಸಿಲುಕಿಕೊಂಡು ಆಚೆ ಬರಲಾರದೆ ಚಡಪಡಿಸುತ್ತಿರುತ್ತಿದೆ. ಕೆಲ ಸಮಯಾನಂತರ ಬೀಗವೂ ಹಾಕಿರುವುದನ್ನು ತಿಳಿದು ಆಚೆ ಹೋಗಲು ಸಾಧ್ಯವಾಗುವುದೇ ಇಲ್ಲವಲ್ಲ ಎಂಬ ಕಾರಣಕ್ಕೆ ಕೋಪಗೊಳ್ಳುತ್ತದೆ. ಕೋಪದ ತಾಪದಲ್ಲಿ ಅಲ್ಲೆ ಕಂಡ ಗರಗಸಕ್ಕೆ ಬಾಯಿ ಹಾಕಿ ಅದನ್ನು ಕಚ್ಚಲು ಯತ್ನಿಸುತ್ತದೆ. ಪರಿಣಾಮ ರಕ್ತ ಒಸರಲು ಪ್ರಾರಂಭವಾಗುತ್ತದೆ ಆಗಂತೂ ಇನ್ನಷ್ಟು ರೇಜಿಗೆ ಹೋಗಿ ಇನ್ನಷ್ಟು ಬಲವಾಗಿ ಗರಸವನ್ನು ಕಚ್ಚುತ್ತದೆ. ಮತ್ತಷ್ಟು ಹೆಚ್ಚಾದ ನೋವು, ಉರಿಗೆ ಇನ್ನೂ ಕೋಪ ಸಂಚಯಿಸಿಕೊಂಡು ಅದಕ್ಕೆ ಸುತ್ತಿಕೊಂಡು ತನ್ನ ಬಲ ಪ್ರದರ್ಶನ ಮಾಡಲು ಮುಂದಾಗುತ್ತದೆ ಕೋಪಕ್ಕೆ ಬುದ್ಧಿಕೊಟ್ಟ ಹಾವು ಕಡೆಗೆ ಸಾಯುತ್ತದೆ.
