ಆಯುರ್ವೆದದ ಶಾಸ್ತ್ರೀಯ ಔಷಧಿಗಳ ಗಟ್ಟಿತನ ಅರಿತರೆ ಬೆರಗಾಗುತ್ತೇವೆ. ಚರಕ ಸಂಹಿತೆಯೇ ಮೊದಲಾದ ಗ್ರಂಥಗಳಲ್ಲಿ ವಿವರಿಸಲ್ಪಟ್ಟ ಸಾವಿರಾರು ಶಾಸ್ತ್ರೀಯ ಔಷಧಗಳಿವೆ. ಕೆಲವು ಸಾವಿರ ವರ್ಷ ಹಿಂದೆಯೇ ಶಿಸ್ತುಬದ್ಧವಾಗಿ ಅಂಗೀಕರಿಸಿ ಬಳಸಿ ದಾಖಲಿಸಲ್ಪಟ್ಟ ಔಷಧಿಗಳಿವು. ಅಚ್ಚರಿಯ ವಿಷಯವೆಂದರೆ ಇವುಗಳಲ್ಲಿ ಯಾವುದೂ ಇಲ್ಲಿಯ ತನಕ ನಿಷೇಧಿಸಲ್ಪಟ್ಟಿಲ್ಲ. ಅಷ್ಟೇ ಅಲ್ಲ, ಇಂದಿಗೂ ಆಯುರ್ವೆದ ವೈದ್ಯರಿಂದ ಉಪಯೋಗಿಸಲ್ಪಡುತ್ತಿವೆ. ಇದರಲ್ಲೇನಿದೆ ವಿಶೇಷ ಎಂದೆನಿಸಬಹುದು. ಹತ್ತಾರು ವರ್ಷಗಳ ಸಂಶೋಧನೆಗಳ ಬಳಿಕ ಮಾರುಕಟ್ಟೆ ಪ್ರವೇಶಿಸುವ ಇಂದಿನ ರಾಸಾಯನಿಕ ಔಷಧಿಗಳು ಹತ್ತಿಪ್ಪತ್ತು ವರುಷಗಳ ಒಳಗಾಗಿ ನಿಷೇಧಿಸಲ್ಪಟ್ಟು ನಾಮಾವಶೇಷವಾಗುತ್ತವೆ. ಪ್ರತಿದಿನವೂ ಹಲವಾರು ರಾಸಾಯನಿಕ ಔಷಧಿಗಳು ಅಡ್ಡಪರಿಣಾಮಗಳ ಕಾರಣದಿಂದ ಅಥವಾ ಅಪೇಕ್ಷಿತ ಫಲಿತಾಂಶ ನೀಡುತ್ತಿಲ್ಲ ಎಂಬá-ದರಿಂದ ನಿಷೇಧಿಸಲ್ಪಡುತ್ತಲೇ ಇರುತ್ತವೆ. ಕಳಪೆ ಗುಣಮಟ್ಟದಿಂದ ಬಳಕೆಗೆ ಅಯೋಗ್ಯವಾಗá-ವುದು ಪ್ರತ್ಯೇಕ. ಆಯá-ರ್ವೆದದ ಶಾಸ್ತ್ರೀಯ ಔಷಧಗಳು ಹಿಂದೆಯೂ, ಇಂದೂ, ಮುಂದೂ ಜನಪ್ರಿಯ, ಪರಿಣಾಮಕಾರಿ, ಸುರಕ್ಷಿತ ಎಂಬುದು ಭಾರತೀಯ ವೈದ್ಯವಿಜ್ಞಾನಿಋಷಿಗಳ ಪರಂಪರೆಗೇ ಹೆಮ್ಮೆಯ ಸಂಗತಿ. ಈ ಶಾಸ್ತ್ರೀಯ ಔಷಧಿಗಳು ಮುಖ್ಯವಾಗಿ ರೋಗಗಳನ್ನು ಸಂಪೂರ್ಣವಾಗಿ ಮೂಲದಿಂದಲೇ ಕಿತ್ತೊಗೆಯುವ ಧ್ಯೆಯದೊಂದಿಗೆ ಹುಟ್ಟಿಕೊಂಡವು. ತಾತ್ಕಾಲಿಕ ಉಪಶಮನ, ಲಕ್ಷಣಗಳ ಹತೋಟಿಯೇ ಅವುಗಳ ಲಕ್ಷ್ಯವಲ್ಲ. ಶಮನ, ಶೋಧನಗಳಿಂದ ರೋಗಗಳ ನಿಮೂಲನೆಯೇ ಅವುಗಳ ಗಮ್ಯ.
