ಇದು ಸಿಂಪಲ್, ನಿಮ್ಮ ಮನೆಯಲ್ಲಿ ದುಡಿಯುವ ಕೈ ಚೆನ್ನಾಗಿದ್ದಾಗ ಎಲ್ಲವೂ ಸರಿ ಇರುತ್ತೆ, ಒಮ್ಮೆ ಆ ದುಡಿಯುವ ಕೈ ನಿಂತಾಗ ಆಗ ಎಲ್ಲವೂ ತಲೆ ಕೆಳಗಾಗುತ್ತೆ. ಒಮ್ಮೆಗೆ ತಲೆ ಮೇಲೆ ಕೈ ಹೊತ್ತು ಕೂರಬೇಕಾಗುತ್ತೆ. ಮುಂದೆ ಕುಟುಂಬ ಹೇಗೆ ನಡೆಯಬೇಕು, ನಡೆಸೋದು ಯಾರು, ಓದು ಬಿಡಬೇಕು, ಕೆಲಸ ಹುಡುಕಬೇಕು ಹೀಗೆ ನಾನಾ ರೀತಿಯ ಸವಾಲುಗಳು. ಒಂದು ಕಂಪನಿ ಕೂಡ ಹಾಗೆಯೇ. ಒಂದು ಕಂಪನಿ ನಡೆಸೋದು ಮೊದಲನೆಯದಾಗಿ ಸುಲಭವಲ್ಲ. ಆದರೂ ಧೈರ್ಯದಿಂದ ಒಂದು ಕಂಪನಿ ಕಟ್ಟಿ ಉದ್ಯೋಗ ನೀಡುವುದು ಸುಲಭವಲ್ಲ. ಹಾಗೆ ಆ ಉದ್ಯೋಗಿಗಳಿಗೆ ಪ್ರತಿ ತಿಂಗಳು ಸಂಬಳ ನೀಡಲೇಬೇಕು. ಅವರು ಪೊ›ಡಕ್ಟೀವ್ ಆಗಿರಲಿ ಆಗದೇ ಇರಲಿ. ಗೀವ್ ಎ ಚಾನ್ಸ್ ಒನ್ಸ್ ಎಗೈನ್ ಅನ್ನೋ ಪಾಲಿಸಿಯನ್ನು ಫಾಲೋ ಮಾಡೇ ಮಾಡ್ತೀವಿ. ಹಾಗಾದ್ರೂ ತಿದ್ದಿಕೊಳ್ಳದೆ ಕಂಪನಿಗೆ ಆ ಉದ್ಯೋಗಿಯಿಂದ ಹೊರೆ ಆಗ್ತಿದೆ ಅಂದ್ರೆ ಆದಷ್ಟು ಭಾರವನ್ನು ಕಡಿತ ಮಾಡಿಕೊಳ್ಳಲೇಬೇಕು.
