ಇಂಥ ಹೊತ್ತಲ್ಲಿ ರಾಜಕೀಯವನ್ನು ಸಂಪೂರ್ಣವಾಗಿ ಬದಿಗೆ ಇರಿಸಬೇಕು. ಏಕೆಂದರೆ, ದೇಶದ ಆರ್ಥಿಕತೆ ಎಂಬುದು ತುಂಬ ಗಂಭೀರ ವಿಷಯ. ಕಾಂಗ್ರೆಸ್ ಇಷ್ಟು ದಿನಗಳ ಕಾಲ ಆರೋಪ ಮಾಡುತ್ತಲೇ ಇತ್ತು - ಸರ್ಕಾರಿ ಸ್ವಾಮ್ಯದ ಕೈಗಾರಿಕೆ, ಸಂಸ್ಥೆಗಳನ್ನು ಎನ್ಡಿಎ ಸರ್ಕಾರ ಮುಚ್ಚುತ್ತಿದೆ, ನಿರುದ್ಯೋಗ ಹೆಚ್ಚುತ್ತಿದೆ ಎಂದೆಲ್ಲ ಹೇಳಿತ್ತು. ಆದರೆ ಸರ್ಕಾರ ಮಂಡಿಸಿರುವ ಶ್ವೇತಪತ್ರವು ವಾಸ್ತವಾಂಶಗಳನ್ನು ಅನಾವರಣಗೊಳಿಸಿದ್ದು, 2004ರಿಂದ 2014ರವರೆಗಿನ ಆರ್ಥಿಕ ಪಥವನ್ನು ಮತ್ತು ಕಳೆದ ಒಂದು ದಶಕದ ಆರ್ಥಿಕ ಸುಧಾರಣೆಗಳನ್ನು ತೆರೆದಿಟ್ಟಿದೆ. ವಿದೇಶಿ ಬಂಡವಾಳ ಹೂಡಿಕೆ, ಜಿಡಿಪಿ ಹೆಚ್ಚಳಗೊಂಡ ನಿದರ್ಶನಗಳು ಕಣ್ಣೆದುರೇ ಇವೆ. ಬಜೆಟ್ ಕುರಿತಾದ ಆರೋಪ, ಅನುಮಾನಗಳ ಬಗ್ಗೆಯೂ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಸಂಸತ್ತಿನಲ್ಲಿ ಉತ್ತರ ನೀಡಿದ್ದಾರೆ. ‘ನ್ಯಾಯ ಕಾಲ, ಅನ್ಯಾಯ ಕಾಲ, ಕರ್ತವ್ಯ ಕಾಲ’ದ ಕುರಿತು ಚರ್ಚೆ ಗರಿಗೆದರಿರುವಾಗಲೇ, ಈ ಶ್ವೇತಪತ್ರ ಕುರಿತಾಗಿ ಸವಿವರವಾದ ಉತ್ತರ ನೀಡಬೇಕಾದ ಹೊಣೆಗಾರಿಕೆ ಈಗ ಕಾಂಗ್ರೆಸ್ ಪಕ್ಷದ ಮೇಲಿದೆ.
